ລາວ ຊຸກຍູ້ຕອນໜຶ່ງໃນເສັ້ນທາງລົດໄຟ ລາວ-ຫວຽດນາມ
ກປ.ອອນໄລ - ໜັງສືພິມເສດຖະກິດການຄ້າຂອງລາວ ລາຍງານວ່າ ລັດຖະບານປະເທດນີ້ໄດ້ “ເປີດໄຟຂຽວ” ໃຫ້ແກ່ການດໍາເນີນການຄົ້ນຄວ້າຄວາມເປັນໄປໄດ້ຂອງເສັ້ນທາງລົດໄຟທີ່ເຊື່ອມຕໍ່ນະຄອນຫຼວງວຽງຈັນ ກັບທ່າແຂກ, ຢູ່ແຂວງຄໍາມ່ວນ, ພາກກາງຂອງລາວ, ເຊິ່ງແມ່ນສ່ວນໜຶ່ງໃນໂຄງການເສັ້ນທາງລົດໄຟ ລາວ-ຫວຽດນາມ (LVRP).
    |
 |
|
ແຜນທີ່ເສັ້ນທາງລົດໄຟ ລາວ-ຫວຽດນາມ. ພາບ: ສໍານັກຂ່າວສານຫວຽດນາມ. |
ຕາມບົດບັນທຶກຄວາມເຂົ້າໃຈ (MOU) ທີ່ລັດຖະບານລາວ ຫາກໍ່ເຊັນກັບບໍລິສັດການຄ້ານໍ້າມັນອາຍແກັດລາວ (PetroTrade), ໂຄງການ LVRP ມີລວງຍາວປະມານ 452 ກິໂລແມັດ, ດ້ວຍມູນຄ່າການລົງທຶນ 5 ຕື້ໂດລາສະຫະລັດ. ໃນໄລຍະຕົ້ນ, ເສັ້ນທາງລົດໄຟນີ້ຈະເຊື່ອມຕໍ່ເທດສະບານທ່າແຂກ ກັບທ່າເຮືອຫວຸ້ງອ໊າງ ຂອງຫວຽດນາມ ດ້ວຍລວງຍາວປະມານ 139 ກິໂລແມັດ. ໄລຍະທີສອງ ຈະເຊື່ອມຕໍ່ເສັ້ນທາງລົດໄຟຈາກທ່າແຂກ ໄປຫານະຄອນຫຼວງວຽງຈັນ, ດ້ວຍລວງຍາວປະມານ 312 ກິໂລແມັດ.
ໂຄງການເສັ້ນທາງລົດໄຟ ລາວ-ຫວຽດນາມ ເຊິ່ງໄດ້ຮັບການພິຈາລະນາມາແຕ່ປີ 2015, ຈະອະນຸຍາດໃຫ້ເຊື່ອມຕໍ່ເສັ້ນທາງສະໜອງພະລາທິການລະຫວ່າງລາວ ແລະຫວຽດນາມ. ນີ້ແມ່ນສ່ວນໜຶ່ງຂອງໂຄງການເຊື່ອມຈອດໂລຈິດສະຕິກ ລາວ (LLL), ເຊື່ອມຕໍ່ທ່າເຮືອ ຫວຸ້ງອ໊າງ ກັບເສັ້ນທາງລົດໄຟ ລາວ-ຫວຽດນາມ, ທ່າບົກທ່ານາແລ້ງ ແລະເຂດພະລາທິການນະຄອນຫຼວງວຽງຈັນ.
PetroTrade ໃຫ້ຮູ້ວ່າ ເຂົາເຈົ້າ ຈະເຊົ່າບໍລິສັດໃຫ້ຄໍາປຶກສາເອກະລາດພາຍໃນປະເທດ ແລະສາກົນ ສົມທົບກັບບັນດາອົງການທີ່ກ່ຽວຂ້ອງຂອງລັດຖະບານ ເພື່ອປະຕິບັດໜ້າວຽກ, ຄາດວ່າຈະໃຫ້ສໍາເລັດ ແລະອະນຸມັດຜ່ານໃນຮອບ 24 ເດືອນ.
ໂດຍ: ໄຊຊະນະ