ກອງປະຊຸມແມ່ນກາລະໂອກາດເພື່ອໃຫ້ການນໍາ ແລະບັນດາອົງການທີ່ກ່ຽວຂ້ອງນະຄອນໂຮ່ຈີມິນ ຮັບຟັງ, ຮັບຮູ້ຄວາມຫຍຸ້ງຍາກ, ຂໍ້ສະເໜີແນະ ແລະບັນດາຂໍ້ລິເລີ່ມຂອງວິສາຫະກິດ ສ.ເກົາຫຼີ ຮັບໃຊ້ເປົ້າໝາຍປັບປຸງສະພາບແວດລ້ອມແຫ່ງການລົງທຶນຂອງນະຄອນ ແລະຍົກສູງປະສິດທິຜົນການຮ່ວມມືດ້ານເສດຖະກິດລະຫວ່າງສອງຝ່າຍ.

leftcenterrightdel
ບັນດາຜູ້ແທນເຂົ້າຮ່ວມການເຈລະຈາ. ພາບ: ກິມເງິນ.

ໃນຊຸມປີຜ່ານມາ, ສ.ເກົາຫຼີ ຍາມໃດກໍ່ແມ່ນຄູ່ຮ່ວມມືດ້ານເສດຖະກິດສໍາຄັນຂອງນະຄອນໂຮ່ຈີມິນ. ລະອຽດ, ສ.ເກົາຫຼີ ແມ່ນຕະຫຼາດສົ່ງອອກໃຫຍ່ທີ 5, ວົງເງິນສົ່ງອອກບັນລຸປະມານ 1,8 ຕື້ໂດລາສະຫະລັດ. ກ່ຽວກັບການນໍາເຂົ້າ, ສ.ເກົາຫຼີ ແມ່ນຕະຫຼາດນໍາເຂົ້າໃຫຍ່ທີ 3 ຂອງນະຄອນ, ດ້ວຍວົງເງິນບັນລຸ 2,8 ຕື້ໂດລາສະຫະລັດ. ພິເສດ, ໃນ 2 ເດືອນຕົ້ນປີ  2021 ໄດ້ມີສັນຍານຕັ້ງໜ້າໃນວົງເງິນການຄ້າສອງສົ້ນລະຫວ່າງນະຄອນໂຮ່ຈີມິນ ແລະສ.ເກົາຫຼີ ດ້ວຍມູນຄ່າສົ່ງອອກບັນລຸກວ່າ 366 ລ້ານໂດລາສະຫະລັດ, ເພີ່ມຂຶ້ນ 30,3%, ມູນຄ່ານໍາເຂົ້າບັນລຸກວ່າ 701 ລ້ານໂດລາສະຫະລັດ, ເພີ່ມຂຶ້ນ 47,3% ເມື່ອທຽບໃສ່ໄລຍະດຽວກັນ. ທີ່ການເຈລະຈາ, ບັນດາວິສາຫະກິດ ສ.ເກົາຫຼີ ພ້ອມກັບການນໍານະຄອນໂຮ່ຈີມິນ ໄດ້ປຶກສາຫາລືຢ່າງເລິກເຊິ່ງກວ້າງຂວາງກ່ຽວກັບຍຸດທະສາດພັດທະນາຕົວເມືອງຂອງນະຄອນໂຮ່ຈີມິນ ແລະແຜນງານຮ່ວມມືໃນອະນາຄົດລະຫວ່າງສອງປະເທດ...

ໂດຍ: ເຈິ່ນຮວ່ຽນ