ຫວຽດນາມ ແລະອິນເດຍ ມີຄວາມສາມາດບົ່ມຊ້ອນຫຼາຍຢ່າງ ເພື່ອຊຸກຍູ້ການຮ່ວມມືໃນຂົງເຂດຕໍ່າແຜ່ນຕັດຫຍິບ
ກປ.ອອນໄລ - ນັ້ນແມ່ນຂໍ້ສັງເກດໄດ້ຍົກອອກທີ່ກອງປະຊຸມແລກປ່ຽນການຄ້າທາງອອນລາຍພາຍໃຕ້ຫົວຂໍ້ “ຄົ້ນຫາກາລະໂອກາດລົງທຶນ ແລະດໍາເນີນທຸລະກິດ ຫວຽດນາມ-ອິນເດຍ ໃນຂົງເຂດຕໍ່າແຜ່ນຕັດຫຍິບ” ໂດຍຫ້ອງການການຄ້າຫວຽດນາມ ປະຈໍາອິນເດຍ ສົມທົບກັບຫ້ອງການການຄ້າ ແລະອຸດສາຫະກໍາບັນດາບໍລິສັດນໍາເຂົ້າອິນເດຍ (IICCI) ຈັດຕັ້ງຫວ່າງມໍ່ໆມານີ້.
|
|
ກອງປະຊຸມແລກປ່ຽນການຄ້າທາງອອນລາຍ ພາຍໃຕ້ຫົວຂໍ້ “ຄົ້ນຫາກາລະໂອກາດລົງທຶນ ແລະດໍາເນີນທຸລະກິດ ຫວຽດນາມ-ອິນເດຍ ໃນຂົງເຂດຕໍ່າແຜ່ນຕັດຫຍິບ”. ພາບ: vietq.vn. |
ທ່ານນາງ ຟ້າມມິງເຮືອງ, ອະດີດຜູ້ອໍານວຍການບໍລິຫານກຸ່ມບໍລິສັດຕໍ່າແຜ່ນຕັດຫຍິບຫວຽດນາມ ຖືວ່າ, ຫວຽດນາມ ແລະອິນເດຍ ມີຄວາມສາມາດບົ່ມຊ້ອນຫຼາຍຢ່າງເພື່ອຊຸກຍູ້ການຮ່ວມມືໃນຂົງເຂດຕໍ່າແຜ່ນຕັດຫຍິບ, ດ້ວຍທ່າແຮງແມ່ນອີງໃສ່ເສັ້ນໄຍປະເພດຕ່າງໆ, ຄື: ຝ້າຍ, ໄໝ, ໄໝພົມ, polyester, nylon ແລະມີພື້ນຖານເຕັກໂນໂລຢີພັດທະນາ. ທ່າໄດ້ປຽບດັ່ງກ່າວຈະແມ່ນແຫຼ່ງເພີ່ມເຕີມໃຫ້ແກ່ຫວຽດນາມ ກໍ່ຄືໃນການຮ່ວມມືບໍາລຸງສ້າງກໍາລັງຜູ້ອອກແຮງງານໃຫ້ຂະແໜງຕໍ່າແຜ່ນຕັດຫຍິບ, ໝູນໃຊ້ວິທະຍາສາດເຕັກໂນໂລຢີ, ການອອກແບບ.
ໂດຍ: ທູຈາງ