ອົງການການເງິນສາກົນ ຕີລາຄາສູງກາລະໂອກາດລົງທຶນດ້ານການເງິນຢູ່ຫວຽດນາມ
ກປ.ອອນໄລ - ຕອນບ່າຍວັນທີ 7 ພະຈິກ, ກ່າວຄໍາເຫັນທີ່ການຕ້ອນຮັບຄະນະອົງການການເງິນສາກົນ (IFC) ໂດຍທ່ານນາງ Stephanie von Friedeburg, ຜູ້ອໍານວຍການບໍລິຫານ ນໍາໜ້າທີ່ພວມປະຕິບັດງານຢູ່ ຫວຽດນາມ, ທ່ານ ເວືອງດີ່ງເຫວ້ ຮອງນາຍົກລັດຖະມົນຕີຫວຽດນາມ ສະເໜີ IFC ເຂົ້າຮ່ວມການອຸປະຖໍາທຶນໃຫ້ບັນດາວິສາຫະກິດ, ທະນາຄານລົງທຶນກໍ່ສ້າງບັນດາໂຄງການນີ້; ສົ່ງເສີມ IFC ເຂົ້າຮ່ວມການລົງທຶນຊື້ຫຸ້ນສ່ວນຢູ່ບັນດາທະນາຄານການຄ້າໃຫຍ່ຂອງຫວຽດນາມ.
ທ່ານນາງ Stephanie von Friedeburg ໃຫ້ຮູ້ວ່າ, IFC ຕີລາຄາສູງບັນດາກາລະໂອກາດການລົງທຶນດ້ານການເງິນຢູ່ຫວຽດນາມ ໃນໄລຍະຈະມາເຖິງ. IFC ປາດຖະໜາຢາກຊຸກຍູ້ການຮ່ວມມື, ພັດທະນາຕະຫຼາດທຶນຢູ່ຫວຽດນາມ ດ້ວຍວິທີຍົກອອກບັນດາຜະລິດຕະພັນໃໝ່ໃຫ້ຕະຫຼາດຫຼັກຊັບ, ໜູນຊ່ວຍພັດທະນາຕະຫຼາດພັນທະບັດວິສາຫະກິດ, ລົງທຶນເຂົ້າບັນດາໂຄງການໃຫຍ່ຂອງຫວຽດນາມ.
|
|
ທ່ານ ເວືອງດີ່ງເຫວ້ ຕ້ອນຮັບທ່ານນາງ Stephanie von Friedeburg. ພາບ: ແທ່ງຈູງ. |
ກໍ່ໃນວັນດຽວກັນ, ທີ່ສໍານັກງານສູນກາງພັກ, ທ່ານ ຫງວຽນວັນບີ່ງ, ກໍາມະການກົມການເມືອງ, ເລຂາທິການສູນກາງພັກ, ຫົວໜ້າຄະນະເສດຖະກິດສູນກາງໄດ້ຕ້ອນຮັບທ່ານນາງ Stephanic von Friedeburge.
ຕອນບ່າຍວັນທີ 7 ພະຈິກ, ທີ່ສໍານັກງານສູນກາງພັກ, ທ່ານ ຫງວຽນວັນບີ່ງ ຫົວໜ້າຄະນະເສດຖະກິດສູນກາງໄດ້ຕ້ອນຮັບທ່ານ In-chang Song, ສະມາຊິກຄະນະອໍານວຍການບໍລິຫານງານ, ຜູ້ອໍານວຍການບໍລິຫານກຸ່ມທະນາຄານພັດທະນາອາຊີ (ADB), ຮັບຜິດຊອບສ.ເກົາຫຼີ, ປາປົວນິວກີເນ, ສີລັງກາ, ໄຕ້ຫວັນ (ຈີນ), ອຸຊເບກິສະຖານ, ວານົວຕູ ແລະຫວຽດນາມ.
ທ່ານ ຫງວຽນວັນບີ່ງ ປາດຖະໜາວ່າ ADB ສືບຕໍ່ຮ່ວມເດີນທາງ ແລະໜູນຊ່ວຍຫວຽດນາມ ໃນໄລຍະຈະມາເຖິງ. ທ່ານ In-chang Song ຢັ້ງຢືນວ່າ ADB ຈະມີຫຼາຍນະໂຍບາຍທີ່ມີໄຫວພິບສອດຄ່ອງເພື່ອໜູນຊ່ວຍຫວຽດນາມ ສືບຕໍ່ກິດຈະການສ້າງໂຄງປະກອບພື້ນຖານເສດຖະກິດຄືນໃໝ່ ແລະປະຕິບັດບັນດາເປົ້າໝາຍຫຼຸດຜ່ອນຄວາມທຸກຍາກແບບຍືນຍົງ.
ໂດຍ: ເກື່ອງດັ້ງ