ນະຄອນຮ່າໂນ້ຍ ເພີ່ມທະວີການຮ່ວມມືກັບນະຄອນ Toulouse ປະເທດຝະລັ່ງ
ກປ.ອອນໄລ - ວັນທີ 21 ກຸມພາ, ທ່ານ ຫງວຽນດຶກຈູງ ປະທານຄະນະກໍາມະການປະຊາຊົນນະຄອນຮ່າໂນ້ຍ ໄດ້ໃຫ້ການຕ້ອນຮັບຄະນະຜູ້ແທນນະຄອນ Toulouse, ປະເທດຝະລັ່ງ ໂດຍທ່ານ Jean-Claude ຮອງປະທານເຂດຕົວເມືອງ Toulouse, ປະທານກຸ່ມມິດຕະພາບຫວຽດນາມ ສັງກັດພັນທະມິດບັນດານະຄອນຝະລັ່ງ ເປັນຫົວໜ້າຄະນະ.
ທີ່ການຕ້ອນຮັບ, ທ່ານ Jean-Claude ໃຫ້ຮູ້ວ່າ, ຈຸຸດສຸມໃນການປະຕິບັດງານຂອງຄະນະໃນຄັ້ງນີ້ແມ່ນແລກປ່ຽນ, ເຫັນດີເປັນເອກະພາບຕໍ່ແຜນການຈັດຕັ້ງກອງປະຊຸມຮ່ວມມືບໍ່ເປັນສຸມໃສ່ ຫວຽດນາມ-ຝະລັ່ງ ຄັ້ງທີ 11 ຢູ່ນະຄອນ Toulouse ໃນເດືອນ ເມສາ ຈະມາເຖິງ. ທ່ານ Jean-Claude ກໍ່ເຕື້ອງເຖິງບັນດາໂຄງການຮ່ວມມືທີ່ສໍາຄັນກັບນະຄອນຫຼວງຮ່າໂນ້ຍ ກ່ຽວກັບວັດທະນະທໍາ, ການອະນຸລັກຮັກສາມໍລະດົກ, ການສຶກສາ ແລະອື່ນໆ.
|
|
ທ່ານ ຫງວຽນດຶກຈູງ ປະທານຄະນະກໍາມະການປະຊາຊົນນະຄອນຮ່າໂນ້ຍ ຕ້ອນຮັບທ່ານ Jean-Claude ຮອງປະທານເຂດຕົວເມືອງ Toulouse, ປະທານກຸ່ມມິດຕະພາບຫວຽດນາມ ສັງກັດພັນທະມິດບັນດານະຄອນຝະລັ່ງ. ພາບ: hanoimoi.com.vn. |
ເຫັນດີເປັນເອກະພາບຕໍ່ການຊຸກຍູ້ການຮ່ວມມືລະຫວ່າງສອງນະຄອນຢູ່ຫຼາຍຂົງເຂດ, ທ່ານ ຫງວຽນດຶກຈູງ ຢືນຢັນວ່າ, ຮ່າໂນ້ຍ ຍາມໃດກໍ່ເອົາໃຈໃສ່ຕໍ່ການຮັກສາ, ເສີມຂະຫຍາຍ ແລະໂຄສະນາເຜີຍແຜ່ບັນດາມໍລະດົກ, ຊ່ວຍປະຊາຊົນທ້ອງຖິ່ນ ແລະເພື່ອນມິດສາກົນມີຄວາມເຂົ້າໃຈກ່ຽວກັບບັນດາຄຸນຄ່າທີ່ເປັນມູນເຊື້ອຂອງຫວຽດນາມ ຕື່ມອີກ. ທ່ານ ຫງວຽນດຶກຈູງ ກໍ່ສົ່ງເສີມບັນດານັກຊ່ຽວຊານ, ວິສາຫະກິດ, ນັກລົງທຶນຂອງຝະລັ່ງ ເຂົ້າຮ່ວມວິວັດທະນາການນີ້.
ໂດຍ: ໄຊນິດາ