ເຊື່ອມຕໍ່, ດຶງດູດແຫຼ່ງເງິນລົງທຶນຈາກຍີ່ປຸ່ນ
ກປ.ອອນໄລ - ຕອນບ່າຍວັນທີ 9 ກໍລະກົດ, ຢູ່ຮ່າໂນ້ຍ, ກະຊວງແຜນການ ແລະການລົງທຶນຫວຽດນາມ ໄດ້ສົມທົບກັບສະຖານທູດຍີ່ປຸ່ນ ປະຈໍາ ຫວຽດນາມ, ອົງການສົ່ງເສີມການຄ້າຍີ່ປຸ່ນ (JETRO) ແລະທະນາຄານຮ່ວມມືສາກົນຍີ່ປຸ່ນ (JBIC) ຈັດຕັ້ງກອງປະຊຸມທາງໄກສົ່ງເສີມການລົງທຶນ ຫວຽດນາມ-ຍີ່ປຸ່ນ.
ທີ່ກອງປະຊຸມ, ຜູ້ຕາງໜ້າບັນດາສຳນັກງານ, ອົງການຈັດຕັ້ງ ແລະວິສາຫະກິດຍີ່ປຸ່ນໄດ້ເນັ້ນໜັກເຖິງບົດບາດນັບມື້ນັບສໍາຄັນຂອງຫວຽດນາມໃນປະຊາຄົມສາກົນ, ພິເສດແມ່ນຜົນງານທີ່ເຕັມໄປດ້ວຍຄວາມປະທັບໃຈໃນການຄວບຄຸມພະຍາດໂຄວິດ-19. ບັນດາຄໍາເຫັນກໍ່ຢັ້ງຢືນວ່າ ຫວຽດນາມແມ່ນປະເທດປອດໄພ, ແມ່ນສະຖານທີ່ແຫ່ງການລົງທຶນທີ່ຈັບອົກຈັບໃຈແຖວໜ້າຂອງ ວິສາຫະກິດຍີ່ປຸ່ນ ພາຍຫຼັງພະຍາດໂຄວິດ-19.
|
|
ບັນຍາກາດທີ່ກອງປະຊຸມ. ພາບ: qdnd.vn. |
ຕາງໜ້າຝ່າຍຫວຽດນາມ, ທ່ານ ຫວູດ້າຍທັ໊ງ ຮອງລັດຖະມົນຕີກະຊວງແຜນການ ແລະການລົງທຶນຫວຽດນາມ ຢັ້ງຢືນວ່າ ດ້ວຍກອບນິຕິກຳທີ່ນັບມື້ນັບຄົບຊຸດ, ພ້ອມກັບບັນດາຄວາມສາມາດບົ່ມຊ້ອນ, ທ່າໄດ້ປຽບ ແລະຄວາມຕັດສິນໃຈຂອງລັດຖະບານ, ບັນດາກະຊວງ, ຂະແໜງການ, ທ້ອງຖິ່ນໃນການປັບປຸງສະພາບແວດລ້ອມແຫ່ງການລົງທຶນ, ບັນດາວິສາຫະກິດຍີ່ປຸ່ນເວົ້າສະເພາະ ແລະບັນດານັກລົງທຶນຕ່າງປະເທດເວົ້າລວມ ຈະມີຫຼາຍກາລະໂອກາດລົງທຶນ, ດໍາເນີນທຸລະກິດຢູ່ຫວຽດນາມ ປະສົບຜົນສໍາເລັດກວ່າອີກ.
ໂດຍ: ເຈິ່ນຮວ່ຽນ