ຊຸກຍູ້ການຮ່ວມມືດ້ານການຄ້າຊາຍແດນລະຫວ່າງຫວຽດນາມ ແລະລາວ
ກປ.ອອນໄລ - ວັນທີ 26 ກໍລະກົດ, ກະຊວງອຸດສາຫະກໍາ ແລະການຄ້າ ສົມທົບກັບຄະນະກໍາມະການປະຊາຊົນແຂວງກວາງຈິ້ ຈັດກອງປະຊຸມປະເມີນຜົນ 3 ປີແຫ່ງການປະຕິບັດສັນຍາການຄ້າຊາຍແດນລະຫວ່າງລັດຖະບານ ແຫ່ງ ສສ ຫວຽດນາມ ແລະລັດຖະບານ ແຫ່ງ ສປປ ລາວ ປີ 2015.
ທີ່ກອງປະຊຸມ, ຜູ້ຕາງໜ້າບັນດາແຂວງ, ວິສາຫະກິດ ໄດ້ສະເໜີແນະບັນດາຂໍ້ຕິດຂັດໃນວິວັດການປະຕິບັດສັນຍາຄື: ວິທີເຂົ້າໃຈ ແລະການປະຕິບັດບາງຂໍ້ກໍານົດຂອງສັນຍາທີ່ຍັງບໍ່ທັນເປັນເອກະພາບກັນເທື່ອ...
|
|
ບັນຍາກາດທີ່ກອງປະຊຸມ. ພາບ: congthuong.vn |
ບັນດາຜູ້ແທນ ຖືວ່າ, ບັນດາກະຊວງ, ຂະແໜງການ, ທ້ອງຖິ່ນຕ້ອງບຸລິມະສິດຈັດວາງແຫຼ່ງທຶນເພື່ອລົງທຶນກໍ່ສ້າງໂຄງລ່າງ, ດ່ານຊາຍແດນ, ຕະຫຼາດຊາຍແດນຕາມແຜນຜັງພັດທະນາເຄືອຂ່າຍຕະຫຼາດຊາຍແດນ ຫວຽດນາມ - ລາວ ຮອດປີ 2020; ມີກົນໄກ, ນະໂຍບາຍດຶງດູດ, ສົ່ງເສີມວິສາຫະກິດລົງທຶນກໍ່ສ້າງຕະຫຼາດຊາຍແດນ ແລະລົງທຶນພັດທະນາໂຄງລ່າງເພື່ອຮັບໃຊ້ການຄ້າຊາຍແດນ.
ກ່າວຄໍາເຫັນທີ່ກອງປະຊຸມ, ທ່ານ ເຈິ່ນກ໋ວກແຄ໋ງ, ຮອງລັດຖະມົນຕີກະຊວງອຸດສາຫະກໍາ ແລະການຄ້າ ໃຫ້ຮູ້ວ່າ, ໃນໄລຍະຈະມາເຖິງເພື່ອໃຫ້ສັນຍາສະບັບດັ່ງກ່າວ ເສີມຂະຫຍາຍປະສິດທິຜົນກວ່າອີກ, ກະຊວງອຸດສາຫະກໍາ ແລະການຄ້າຈະສະເໜີປັບປຸງ, ເພີ່ມເຕີມບັນດາມາດຕາໃຫ້ເໝາະສົມກັບສະພາບຕົວຈິງຕາມການຊີ້ນໍາຂອງນາຍົກລັດຖະມົນຕີ, ສ່ວນພາກ ປະຕິບັດຈະສຸມໃສ່ແກ້ໄຂບາງບັນຫາລະອຽດຄື: ຈົດທະບຽນນັກທຸລະກິດ, ເງິນລົງທຶນເພື່ອແນໃສ່ສ້າງກອບນິຕິກໍາຢ່າງແໜ້ນແຟ້ນ...
ໂດຍ: ຮວ່າງເຈື່ອງ