ກາລະໂອກາດການລົງທຶນ, ເຂົ້າຮ່ວມລະບົບມູນຄ່າທົ່ວໂລກ ຢູ່ຫວຽດນາມ
ກປ.ອອນໄລ - ຕອນເຊົ້າວັນທີ 11 ເມສາ, ໃນຂອບເຂດງານຕະຫຼາດນັດການຄ້າສາກົນຫວຽດນາມ 2019 (VIETNAM EXPO 2019), ກົມສົ່ງເສີມການຄ້າໄດ້ສົມທົບກັບບັນດາຫົວໜ່ວຍທີ່ກ່ຽວຂ້ອງ ຈັດຕັ້ງກອງປະຊຸມສໍາມະນາສົ່ງເສີມການຄ້າ: ກາລະໂອກາດເຂົ້າຮ່ວມລະບົບມູນຄ່າທົ່ວໂລກ.
ກອງປະຊຸມສໍາມະນາ ແນໃສ່ສະໜອງບັນດາຂໍ້ມູນສໍາຄັນໃຫ້ນັກລົງທຶນກ່ຽວກັບກາລະໂອກາດການລົງທຶນ ເພື່ອເຂົ້າຮ່ວມລະບົບມູນຄ່າທົ່ວໂລກຢູ່ຫວຽດນາມ, ບັນດາຂໍ້ມູນກ່ຽວກັບນະໂຍບາຍບຸລິມະສິດ ແລະບັນດາຜົນປະໂຫຍດທີ່ນັກລົງທຶນສາມາດໄດ້ຮັບໃນອະນາຄົດ...
|
|
ບັນຍາກາດທີ່ກອງປະຊຸມສໍາມະນາ. ພາບ: ບັງເຈົາ. |
ກ່າວຄໍາເຫັນທີ່ກອງປະຊຸມສໍາມະນາ, ຕາງໜ້າກົມສົ່ງເສີມການຄ້າ ໃຫ້ຮູ້ວ່າ, ສໍາລັບບັນດາປະເທດພວມພັດທະນາຄື ຫວຽດນາມ, ລະບົບມູນຄ່າທົ່ວໂລກຊ່ວຍຮັບຜິດຊອບບັນດາຂັ້ນຕອນໃນຕາໜ່າງການຜະລິດ ແລະໝູນໃຊ້ທ່າໄດ້ປຽບດ້ານການຄ້າເທື່ອລະກ້າວ, ຈາກນັ້ນຍູ້ໄວວິວັດການຫັນເປັນປະເທດອຸດສາຫະກຳ. ສໍາລັບບັນດາວິສາຫະກິດ, ເລື່ອງນໍາຜະລິດຕະພັນເຂົ້າຮ່ວມລະບົບມູນຄ່າທົ່ວໂລກ ແມ່ນເພື່ອສ້າງ, ພັດທະນາເຄື່ອງໝາຍການຄ້າ ແລະສ້າງທີ່ຕັ້ງໃນຕະຫຼາດໂລກ.
|
|
ແຂກມາຢ້ຽມຊົມຢູ່ VIETNAM EXPO 2019. ພາບ: ບັງເຈົາ. |
ສາມາດເຫັນໄດ້ວ່າ, ຄວາມສາມາດບົ່ມຊ້ອນໃນການລົງທຶນຜະລິດສິນຄ້າຢູ່ຫວຽດນາມ ແລະເຂົ້າຮ່ວມລະບົບມູນຄ່າທົ່ວໂລກ ເພື່ອພັດທະນາແບບຍືນຍົງແມ່ນໃຫຍ່ທີ່ສຸດ, ສໍາລັບບັນດານັກລົງທຶນພາຍໃນ ແລະຕ່າງປະເທດ, ນີ້ແມ່ນຈຸດເວລາທີ່ເໝາະສົມ ເພື່ອຂຸດຄົ້ນກາລະໂອກາດການລົງທຶນເຂົ້າຂະແໜງອຸດສາຫະກໍາຫວຽດນາມ.
ໂດຍ: ກວຽດເຕິມ