Viettel - ວິສາຫະກິດໜຶ່ງດຽວຂອງຫວຽດນາມ ລອດເຂົ້າບັນຊີລາຍຊື່ “ມີຜົນສະທ້ອນທີ່ສຸດ” ກ່ຽວກັບການປ່ຽນແປງໃໝ່ປະດິດສ້າງ
ກປ.ອອນໄລ - Viettel ແມ່ນວິສາຫະກິດຫວຽດນາມ ທີ່ມີຜົນສະທ້ອນທີ່ສຸດກ່ຽວກັບການປ່ຽນແປງໃໝ່ປະດິດສ້າງປີ 2021 ຢູ່ພາກພື້ນອາຊີໃຕ້ ແລະອາຊີຕາເວັນອອກສ່ຽງໃຕ້, ຕາມບົດລາຍງານຕີລາຄາຂອງ Clarivate ເຊິ່ງແມ່ນບໍລິສັດແຖວໜ້າໃນຂົງເຂດສະໜອງຂ້ໍມູນກ່ຽວກັບອິດທິພົນຊື່ສຽງດ້ານຄຸນນະພາບການຄົ້ນຄວ້າ, ປ່ຽນແປງໃໝ່ປະດິດສ້າງ.
ຢູ່ພາກພື້ນອາຊີໃຕ້ ແລະອາຊີຕາເວັນອອກສ່ຽງໃຕ້, ມີ 27 ອົງການໄດ້ຮັບການຮັບຮອງ, Viettel ແມ່ນວິສາຫະກິດໜຶ່ງດຽວຂອງຫວຽດນາມ ທີ່ລອດເຂົ້າໃນບັນຊີລາຍຊື່ນີ້. ຄຽງຂ້າງນັ້ນຍັງມີມະຫາວິທະຍາໄລສັບພະວິຊາຮ່າໂນ້ຍ ສັງກັດຂົງເຂດຮາກຖານການສຶກສາມະຫາວິທະຍາໄລ, ສະຖາບັນວິທະຍາສາດ ແລະເຕັກໂນໂລຢີຫວຽດນາມ ໄດ້ເຂົ້າຢູ່ໃນປະເພດອົງການຄົ້ນຄວ້າຂອງລັດຖະບານ.
|
|
Viettel ແມ່ນວິສາຫະກິດນໍາໜ້າກ່ຽວກັບການຫັນປ່ຽນໃໝ່ປະດິດສ້າງຢູ່ພາຍໃນປະເທດ ແລະອາຊີຕາເວັນອອກສ່ຽງໃຕ້. ພາບ: ວັນຝອງ. |
ຕາມບັນຊີລາຍຊື່ຂອງອົງການຄຸ້ມຄອງການປະດິດສ້າງ ແລະຍີ່ຫໍ້ອາເມລິກາ (USPTO) ແລ້ວ, Viettel ແມ່ນວິສາຫະກິດອຸດສາຫະກໍາ-ເຕັກໂນໂລຢີສູງຂອງຫວຽດນາມ ທີ່ມີຫຼາຍໃບຢັ້ງຢືນປະດິດສ້າງທີ່ໄດ້ຮັບການປົກປ້ອງສິດຜູກຂາດຂອງອາເມລິກາ ຫຼາຍທີ່ສຸດ.
Viettel ກໍ່ແມ່ນບໍລິສັດໜຶ່ງດຽວໃນໂລກທັງເປັນເຈົ້າຂອງກຳມະສິດເຄືອຂ່າຍ, ທັງຄົ້ນຄວ້າພັດທະນາອຸປະກອນໂທລະຄົມມະນາຄົມ. ເລື່ອງ Viettel ທົດລອງສໍາເລັດການໂທວິດີໂອຢູ່ອຸປະກອນຮັບ-ສົ່ງສັນຍານ gNodeB 5G ທີ່ຄົ້ນຄວ້າ ແລະຜະລິດເອງໃນຕົ້ນປີ 2021 ນັ້ນໄດ້ນໍາຫວຽດນາມ ເຂົ້າໄປຢູ່ໃນບັນຊີລາຍຊື່ 6 ປະເທດທີ່ເປັນເຈົ້າຂອງເຕັກໂນໂລຊີ 5G.
ທ່ານ ເລດັງຢູງ ຮັກສາການປະທານທັງເປັນຜູ້ອໍານວຍການໃຫຍ່ກຸ່ມບໍລິສັດ Viettel ຢັ້ງຢືນວ່າ “Viettel ໃຫ້ຄໍາໝັ້ນສັນຍາດ້ວຍວິໄສທັດປະດິດສ້າງ ເພື່ອມະນຸດ ແລະກໍານົດຍຸດທະສາດລຸລ່ວງຂອງກຸ່ມບໍລິສັດແມ່ນນຳໜ້າ, ເປັນກຳລັງຫຼັກແຫຼ່ງໃນການສ້າງສັງຄົມດີຈີຕອນ. ສະນັ້ນ, Viettel ຍາມໃດກໍ່ຈະນຳໜ້າໃນການຊຸກຍູ້ການຄົ້ນຄວ້າ, ພັດທະນາເພື່ອເປັນເຈົ້າຂອງເຕັກໂນໂລຢີແກ່ນສານເພື່ອປະຕິບັດຍຸດທະສາດ “Make in Vietnam” ແລະຍຸດທະສາດຫັນປ່ຽນດີຈີຕອນແຫ່ງຊາດ”.
ໂດຍ: ເກື່ືອງດັ້ງ