ມານະພະຍາຍາມຫັນການເຄື່ອນໄຫວວຽກງານພັກ, ວຽກງານການເມືອງໃຫ້ເປັນທັນສະໄໝ
ກປ.ອອນໄລ - ຢືນຢູ່ຕໍ່ໜ້າຄວາມຮຽກຮ້ອງຕ້ອງການຂອງສະພາບການໃໝ່, ໂດຍສະເພາະແມ່ນເມື່ອກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ກ້າວເຂົ້າສູ່ໄລຍະພັດທະນາທີ 4, ຫັນປ່ຽນເພື່ອສະໜອງການບໍລິການດີຈີຕອນ, ນໍາໜ້າ, ເປັນຫົວຈັກຫຼັກແຫຼ່ງໃນການສ້າງສັງຄົມດີຈີຕອນນັ້ນ, ຮຽກຮ້ອງໃຫ້ທຸກອົງການ, ຂະແໜງການ, ຂົງເຂດຕ່າງໆຕ້ອງເດັດດ່ຽວໃນການປ່ຽນວິທີການເຄື່ອນໄຫວເພື່ອໃຫ້ແທດເໝາະ ແລະຍົກສູງຄຸນນະພາບ, ໃນນັ້ນ ມີການເຄື່ອນໄຫວວຽກງານພັກ, ວຽກງານການເມືອງ.
ຕາມນັ້ນແລ້ວ, ໃນໄລຍະຜ່ານມາ, ດ້ວຍຄວາມມານະພະຍາຍາມຕັດສິນໃຈສູງ, ອົງການການເມືອງກຸ່ມບໍລິສັດໄດ້ເປັນເສນາທິການ, ແກ້ໄຂຫຼາຍບັນຫາພື້ນຖານໄດ້ໂດຍກົງ, ໂດຍສະເພາະແມ່ນຄ່ອຍໆປ່ຽນການເຄື່ອນໄຫວໄປສູ່ສະພາບແວດລ້ອມດີຈີຕອນ, ຫັນການເຄື່ອນໄຫວວຽກງານແນວຄິດ, ການສຶກສາ, ໂຄສະນາ, ຕີລາຄາພະນັກງານໃຫ້ເປັນດີຈີຕອນ... Viettel ສຸມໃສ່ສ້າງຊ໊ອບແວຄຸ້ມຄອງ, ບໍລິຫານ, ຕິດຕາມໝາກຜົນການເຄື່ອນໄຫວວຽກງານພັກ, ວຽກງານການເມືອງ; ສ້າງເຄື່ອງມື, ຊ໊ອບແວໜູນຊ່ວຍດ້ານຕ່າງໆ, ຂົງເຂດ ເຄື່ອນໄຫວໃຫ້ມີປະສິດທິຜົນ; ປ່ຽນແປງໃໝ່ເນື້ອໃນ, ຮູບການເຄື່ອນໄຫວໃຫ້ສອດຄ່ອງກັບໄລຍະຫັນປ່ຽນດີຈີຕອນ.
ພ້ອມກັນນັ້ນ, Viettel ຍັງມີແຜນນະໂຍບາຍສະໜິດຕິດພັນຫຼາຍດ້ານຂອງການເຄື່ອນໄຫວວຽກງານພັກ, ວຽກງານການເມືອງໃສ່ກັບການເຄື່ອນໄຫວອື່ນດ້ວຍວິທີສັດຈະວິພາກ, ແທດຈິງເພື່ອເສີມຂະຫຍາຍກໍາລັງແຮງສັງລວມ.
ໂດຍ: ເກື່ອງດັ້ງ