Viettel ສໍາເລັດການເຊື່ອມຕໍ່ກ້ອງວົງຈອນປິດ 3.000 ໜ່ວຍຢູ່ສູນຈໍາກັດບໍລິເວນ
ກປ.ອອນໄລ - ໂດຍປະຕິບັດຕາມການຊີ້ນໍາຂອງຄະນະຊີ້ນໍາແຫ່ງຊາດກ່ຽວກັບການປ້ອງກັນ, ຕ້ານພະຍາດໂຄວິດ-19, ໃນເວລາ 7 ວັນ, Viettel ໄດ້ສໍາເລັດການຕິດຕັ້ງ ແລະການເຊື່ອມຕໍ່ກ້ອງວົງຈອນປິດ 3.000 ໜ່ວຍຢູ່ສູນຈໍາກັດບໍລິເວນຢູ່ຕາມແຂວງພາກເໜືອ.
ສໍາລັບ 130 ສູນຈໍາກັດບໍລິເວນຢູ່ 125 ຕາແສງຂອງແຂວງບັ໊ກຢາງ, Viettel ໄດ້ລະດົມແຫຼ່ງກໍາລັງຢ່າງສຸດຂີດເພື່ອຕິດຕັ້ງກ້ອງວົງຈອນປິດ 1.000 ໜ່ວຍໃຫ້ແລ້ວພາຍໃນເວລາ 5 ວັນ, ໄວທົບສອງເທົ່າເມື່ອທຽບໃສ່ຄວາມຄືບໜ້າຕາມປົກກະຕິ.
|
|
ຢູ່ແຂວງບັ໊ກຢາງ, Viettel ໄດ້ຕິດຕັ້ງກ້ອງວົງຈອນປິດ 1.000 ໜ່ວຍພາຍໃນເວລາ 5 ວັນ, ໄວທົບສອງເທົ່າເມື່ອທຽບໃສ່ຄວາມຄືບໜ້າຕາມປົກກະຕິ. ພາບ: qdnd.vn. |
ດ້ວຍການຜັນຂະຫຍາຍກ້ອງວົງຈອນປິດຂອງ Viettel, ບັນດາອົງການຄຸ້ມຄອງປ້ອງກັນ, ຕ້ານພະຍາດໂຄວິດ-19 ສາມາດຕິດຕາມການເຄື່ອນໄຫວຢູ່ສູນຈໍາກັດບໍລິເວນຈາກລະບົບຄຸ້ມຄອງຕະຫຼອດ 24 ຊົ່ວໂມງ. ເພື່ອຮັບປະກັນຄວາມປອດໄພໃຫ້ພະນັກງານ, ພາລະກອນ ແລະສັງຄົມ, ພະນັກງານ, ບຸກຄະລາກອນຂອງ Viettel ທີ່ເຂົ້າຮ່ວມບັ້ນຮົບຢູ່ສູນຈໍາກັດບໍລິເວນໄດ້ປະກອບອຸປະກອນປ້ອງກັນພະຍາດໂຄວິດ-19 ຢ່າງຄົບຖ້ວນ, ຝຶກອົບຮົມທັກສະປ້ອງກັນພະຍາດໂຄວິດ-19. ພາຍຫຼັງປະຕິບັດສໍາເລັດໜ້າທີ່, ພະນັກງານ, ບຸກຄະລາກອນຂອງ Viettel ລ້ວນແຕ່ປະຕິບັດການແຍກປ່ຽວ 21 ວັນຢູ່ເຮືອນຕາມຂໍ້ກຳນົດ.
ທ່ານພົນຈັດຕະວາ ເລດັງຢຸງ ຜູ້ອໍານວຍການໃຫຍ່ກຸ່ມບໍລິສັດ Viettel ໃຫ້ຮູ້ວ່າ: “ແມ່ນວິສາຫະກິດເຕັກໂນໂລຢີຫຼັກແຫຼ່ງຂອງປະເທດຊາດ, Viettel ມີຄວາມຮັບຜິດຊອບປະກອບສ່ວນມາດຕະການເຕັກໂນໂລຢີປະຕິບັດເປົ້າໝາຍຂອງແຫ່ງຊາດ. ດ້ວຍຈິດໃຈຂອງຜູ້ເປັນທະຫານ, ພວກຂ້າພະເຈົ້າ ຍາມໃດກໍ່ມີໜ້າຢູ່ດ່ານໜ້າເພື່ອຮັບປະກັນຄວາມປອດໄພໃຫ້ປະຊາຊົນ ແລະສັງຄົມ”.
ໂດຍ: ກວຽດເຕິມ