ວິທະຍາຄານການແພດກອງທັບຈັດຕັ້ງການສອບເສັງ Olympic ພາສາຫວຽດ ໃຫ້ແກ່ນັກສຶກສາຕ່າງປະເທດ
ກປ.ອອນໄລ - ຕອນເຊົ້າວັນທີ 16 ມັງກອນ, ທີ່ຮ່າໂນ້ຍ, ວິທະຍາຄານການແພດກອງທັບ ໄດ້ຈັດຕັ້ງການສອບເສັງ Olympic ພາສາຫວຽດ ດ້ວຍຫົວຂໍ້ “ນັກສໍາມະນາກອນລຸ້ນ 3 ສາມັກຄີ, ຕັດສິນໃຈຮໍ່າຮຽນໃຫ້ດີ, ຝຶກຝົນກົດລະບຽບຢ່າງເຂັ້ມງວດ” ໃຫ້ບັນດານັກສໍາມະນາກອນລາວ ແລະກໍາປູເຈຍ ກໍາລັງຮໍ່າຮຽນຢູ່ໂຮງຮຽນ.
|
|
ບັນຍາກາດທີ່ການສອບເສັງ. ພາບ: qdnd.vn. |
ຕາມຄະນະຈັດຕັ້ງ, ການສອບເສັງ Olympic ພາສາຫວຽດນາມ ໄດ້ຈັດຕັ້ງດ້ວຍຈຸດປະສົງຊ່ວຍນັກສໍາມະນາກອນລາວ ແລະກໍາປູເຈຍ ຍົກສູງ 4 ທັກສະໃນການຟັງ, ເວົ້າ, ອ່ານ, ຂຽນພາສາຫວຽດ... ການສອບເສັງກໍ່ຊ່ວຍໃຫ້ນັກສໍາມະນາກອນປະເທດເພື່ອນມິດມີຄວາມເຂົ້າໃຈກ່ຽວກັບຊາວຫວຽດນາມ, ວັດທະນະທໍາ, ຮີດຄອງປະເພນີຂອງ 3 ປະເທດຫວຽດນາມ-ລາວ-ກໍາປູເຈຍ; ສຶກສາລຸ້ນໜູ່ມປັບປຸງຄວາມເຊື່ອໝັ້ນ, ສາຍພົວພັນທີ່ເປັນມູນເຊື້ອ 3 ປະເທດອິນດູຈີນ ເຊິ່ງລຸ້ນພໍ່, ລຸ້ນອ້າຍໄດ້ເພີ່ມພູນຄູນສ້າງ; ສ້າງການເຄື່ອນໄຫວທີ່ປອດໄສ, ຟົດຟື້ນ, ມີຄຸນປະໂຫຍດ, ດຶງດູດນັກສໍາມະນາກອນເປັນຈໍານວນຫຼວງຫຼາຍເຂົ້າຮ່ວມ, ປະກອບສ່ວນເຮັດໃຫ້ການດໍາລົງຊີວິດແບບລວມໝູ່ອຸດົມສົມບູນກວ່າໃຫ້ແກ່ນັກສໍາມະນາກອນ.
ເນື່ອງໃນໂອກາດນີ້, ຄະນະຈັັັດຕັ້ງກໍ່ມອບລາງວັນໃຫ້ແກ່ບັນດາໝູ່ຄະນະ, ບຸກຄົນທີ່ໄດ້ຮັບຜົນງານດີເລີດໃນວຽກງານຈັດຕັ້ງການສອບເສັງຄັ້ງນີ້.
ໂດຍ: ເກື່ອງດັ້ງ