“ວັນບຸນບໍລິຈາກເລືອດ - Festival ຫົວໃຈແຫ່ງຄວາມເມດຕາ” ປີ 2020
ກປ.ອອນໄລ - ວັນທີ 22 ພະຈິກ, ທີ່ຮ່າໂນ້ຍ, ສູນກາງສະພາກາແດງຫວຽດນາມ ໄດ້ຈັດຕັ້ງ “ວັນບຸນບໍລິຈາກເລືອດ - Festival ຫົວໃຈແຫ່ງຄວາມເມດຕາ” ປີ 2020 ດ້ວຍເປົ້າໝາຍຮັບເອົາເລືອດບໍລິຈາກຢ່າງນ້ອຍສຸດແມ່ນ 200 ຖົງ.
ເຫດການດັ່ງກ່າວແມ່ນການເຄື່ອນໄຫວປະຈໍາປີຂອງສະພາກາແດງຫວຽດນາມ ໃນຂອບເຂດ “ລາຍການບໍລິຈາກເລືອດດ້ວຍຄວາມສະໝັກໃຈ” ເພື່ອແນໃສ່ປະກອບສ່ວນແກ້ໄຂສະພາບຂາດເລືອດໃນການປະຖົມພະຍາບານ ແລະປົ່ນປົວໃຫ້ຄົນເຈັບໃນໂອກາດທ້າຍປີ.
|
|
ວັນບຸນດຶງດູດພະນັກງານ, ພາລະກອນ, ຜູ້ສະໝັກໃຈສະພາກາແດງເຂົ້າຮ່ວມວັນບຸນບໍລິຈາກເລືອດເປັນຈໍານວນຫຼວງຫຼາຍ. ພາບ: qdnd.vn. |
ກ່າວຄໍາເຫັນທີ່ວັນບຸນ, ທ່ານ ເຈິ່ນກວກຮຸ່ງ, ຮອງປະທານສູນກາງສະພາກາແດງຫວຽດນາມ ໃຫ້ຮູ້ວ່າ ເຖິງວ່າປະລິມານເລືອດທີ່ຮັບເອົາໄດ້ໃນຊຸມປີມໍ່ໆມານີ້ນັບມື້ນັບເພີ່ມຂຶ້ນກໍ່ຕາມ, ແຕ່ມັນພຽງຕອບສະໜອງຄວາມຕ້ອງການເລືອດໃຫ້ແກ່ການປະຖົມພະຍາບານ ແລະປິ່ນປົວໃຫ້ຄົນເຈັບໄດ້ 75 % ເທົ່ານັ້ນ. ສະພາບຂາດເລືອດຍັງເກີດຂຶ້ນຢູ່ບາງທ້ອງຖິ່ນ, ພິເສດແມ່ນໃນໂອກາດບຸນເຕັດ ແລະລະດູຮ້ອນຂອງແຕ່ລະປີ, ໃນຈຸດເວລາທີ່ໂລກພະຍາດ, ໄພທໍາມະຊາດ, ໄພພິບັດພວມຜັນແປຢ່າງສັບສົນ. ເປັນອັນວ່າຍັງມີຄົນເຈັບຫຼາຍຄົນພວມຕ້ອງການໄດ້ຮັບເອົາເລືອດຈາກຜູ້ໃຈບຸນ, ພິເສດແມ່ນໃນສະພາບໂລກພະຍາດ, ໄພທໍາມະຊາດ, ໄພພິບັດສືບຕໍ່ຜັນແປຢ່າງສັບສົນໃນໄລຍະຈະມາເຖິງ.
ໂດຍ: ທູຈາງ