ຈັດສົ່ງພົນລະເມືອງຫວຽດນາມ ເກືອບ 450 ຄົນ ຈາກຍີ່ປຸ່ນ ກັບຄືນປະເທດ
ວັນທີ 14 ພະຈິກ ບັນດາອົງການທີ່ມີໜ້າທີ່ຮັບຜິດຊອບຂອງຫວຽດນາມ, ສະຖານທູດ ຫວຽດນາມ ປະຈຳຍີ່ປຸ່ນ ແລະບໍລິສັດການບິນແຫ່ງຊາດຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຂອງຍີ່ປຸ່ນ ປະຕິບັດສອງຖ້ຽວບິນເພື່ອຈັດສົ່ງພົນລະເມືອງຫວຽດນາມ ເກືອບ 450 ຄົນຈາກຍີ່ປຸ່ນ ກັບຄືນປະເທດດ້ວຍຄວາມປອດໄພ.
ຜູ້ໂດຍສານໃນຖ້ຽວບິນລວມມີເດັກນ້ອຍໃນເກນອາຍຸຕ່ຳກວ່າ 18 ປີ, ແມ່ຍິງຖືພາ, ຜູ້ເຈັບປ່ວຍ, ແຮງງານໝົດອາຍຸສັນຍາ, ນັກສຶກສາບໍ່ມີບ່ອນຢູ່ອາໄສ. ພາຍຫຼັງທີ່ເຮືອບິນໄດ້ລົງຈອດຢູ່ສະໜາມບິນທີ່ນະຄອນເກິ່ນເທີ ແລະກາມແຣັງ, ບັນດາຜູ້ໂດຍສານໄດ້ຖືກກວດສຸຂະພາບ ແລະແຍກຕົວລວມສູນຕາມການກຳນົດ.
ແຫຼ່ງຄັດຈາກ: vovworld.vn