ເຊີດຊູ ແລະມອບນາມມະຍົດ “ເຄື່ອງໝາຍການຄ້າຄໍາກະສິກໍາຫວຽດນາມ” ປີ 2020
ກປ.ອອນໄລ - ວັນທີ 20 ກັນຍາ, ທີ່ຮ່າໂນ້ຍ, ສະມາຄົມກະສິກໍາ ແລະພັດທະນາຊົນນະບົດຫວຽດນາມ ໄດ້ຈັດຕັ້ງພິທີເຊີດຊູ ແລະມອບນາມມະຍົດ “ເຄື່ອງໝາຍການຄ້າຄໍາກະສິກໍາຫວຽດນາມ” ປີ 2020.
ທ່ານ ຝຸ່ງດຶດຕ໊ຽນ, ຮອງລັດຖະມົນຕີກະຊວງກະສິກໍາ ແລະພັດທະນາຊົນນະບົດຫວຽດນາມ ແບ່ງປັນວ່າ ພວກເຮົາສາມາດເອກອ້າງທະນົງໃຈວ່າ ຂະແໜງກະສິກໍາໄດ້ເສີມຂະຫຍາຍບົດບາດຂອງຕົນແມ່ນເສົາຄໍ້າຊູຂອງພື້ນຖານເສດຖະກິດ, ປະກອບສ່ວນສໍາຄັນເຂົ້າໃນການຮັບປະກັນສະຖຽນລະພາບດ້ານການເມືອງ ແລະພັດທະນາເສດຖະກິດ-ສັງຄົມ ໃນໄລຍະເກີດພະຍາດໂຄວິດ-19 ນັບແຕ່ເດືອນກຸມພາ ມາຮອດປັດຈຸບັນ... ຜົນສໍາເລັດນັ້ນແມ່ນມີການປະກອບສ່ວນຂອງລາຍການສໍາຫຼວດ, ຄັດເລືອກ ແລະເຊີດຊູ “ເຄື່ອງໝາຍການຄ້າຄໍາກະສິກໍາຫວຽດນາມ” ໃນຊຸມປີຜ່ານມາ.
|
|
ບັນດາຜູ້ແທນທີ່ພິທີເຊີດຊູ ແລະມອບນາມມະຍົດ “ເຄື່ອງໝາຍການຄ້າຄໍາກະສິກໍາຫວຽດນາມ” ປີ 2020. ພາບ: ຫງວຽນກ໊ຽມ. |
ພິທີເຊີດຊູຍັງແມ່ນໂອກາດເພື່ອສົ່ງເສີມ, ລະດົມກໍາລັງໃຈບັນດາທ້ອງຖິ່ນ, ວິສາຫະກິດທີ່ໄດ້ ແລະພວມຕັ້ງໜ້າໜູນຊ່ວຍໃຫ້ຊາວກະສິກອນໃນການຍົກສູງສະມັດຕະພາບ, ຄຸນນະພາບ ກໍ່ຄືການຈໍາໜ່າຍຜະລິດຕະພັນກະສິກໍາຢ່າງມີປະສິດທິຜົນດ້ວຍມູນຄ່າໃຫຍ່ໃນສະພາບທີ່ພະຍາດໂຄວິດ-19 ຍັງຜັນແປຢ່າງສັບສົນ.
ໂດຍ: ກວຽດເຕິມ