Viettel ມີເຄືອຂ່າຍ 4G ດີທີ່ສຸດຢູ່ຫວຽດນາມ
ກປ.ອອນໄລ - ກົມໂທລະຄົມມະນາຄົມ (ກະຊວງຖະແຫຼງຂ່າວ ແລະສື່ສານຫວຽດນາມ) ຫາກໍ່ປະກາດໝາກຜົນຂອງການວັດແທກ ແລະກວດກາຄຸນນະພາບເຄືອຂ່າຍ 4G ຢູ່ບັນດານະຄອນ, ແຂວງຄື: ຮ່າໂນ້ຍ, ຫ໋າຍຟ່ອງ, ຫ໋າຍເຢືອງ ແລະຮືງອຽນ.
|
|
Viettel ມີເຄືອຂ່າຍ 4G ດີທີ່ສຸດຢູ່ຫວຽດນາມ. ພາບ: zingnews.vn. |
ຕາມນັ້ນແລ້ວ, ເຄືອຂ່າຍ 4G ຂອງກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ລ້ວນແຕ່ມີຄຸນນະພາບດີກວ່າເມື່ອທຽບໃສ່ມາດຕະຖານທັງໝົດຂອງຕົວຊີ້ວັດ ແລະລະດັບຄວາມໄວໃນການດາວໂຫຼດໄວກວ່າເມື່ອທຽບໃສ່ບໍລິການ 4G ຂອງບໍລິສັດໂທລະຄົມມະນາຄົມອື່ນໆ.
ລະອຽດ, ລະດັບຄວາມໄວໃນການດາວໂຫຼດຂໍ້ມູນຂ່າວສານຂອງ Viettel ຢູ່ຮ່າໂນ້ຍ, ຫ໋າຍຟ່ອງ ສະເລ່ຍແລ້ວແມ່ນບັນລຸກວ່າ 70 Mbit/ວິນາທີ ແລະຢູ່ຫ໋າຍເຢືອງ ແລະຮືງອຽນ ແມ່ນກວ່າ 90 Mbit/ວິນາທີ. ລະດັບຄວາມໄວອັບໂຫຼດຂໍ້ມູນຂ່າວສານຂອງ Viettel ຢູ່ບັນດາທ້ອງຖິ່ນດັ່ງກ່າວສະເລ່ຍແລ້ວແມ່ນບັນລຸ 30-35 Mbit/ວິນາທີ.
ໂດຍ: ກວຽດເຕິມ