ຊາວຫວຽດນາມ ອາໄສຢູ່ຕ່າງປະເທດ ສືບຕໍ່ບໍລິຈາກເງິນສະໜັບສະໜູນກອງທຶນປ້ອງກັນ, ຕ້ານພະຍາດໂຄວິດ-19
ກປ.ອອນໄລ - ວັນທີ 19 ພຶດສະພາ, ທ່ານ ດັ້ງມິງຄອຍ, ຮອງລັດຖະມົນຕີກະຊວງການຕ່າງປະເທດ, ປະທານຄະນະກໍາມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໄດ້ຕາງໜ້າປະຊາຄົມຊາວຫວຽດນາມ ອາໄສຢູ່ຕ່າງປະເທດ ມອບເງິນບໍລິຈາກໃຫ້ກອງເງິນທຶນປ້ອງກັນ, ຕ້ານພະຍາດໂຄວິດ-19 ໂດຍຜ່ານຄະນະກໍາມະການສູນກາງແນວໂຮມປະເທດຊາດຫວຽດນາມ.
ຕາມທ່ານ ດັ້ງມິງຄອຍ ແລ້ວ, ມີບາງໝູ່ຄະນະ ແລະບຸກຄົນຕື່ມອີກຢູ່ບັນດາປະເທດ, ຄື: ອາເມລິກາ, ຝະລັ່ງ, ສະວິດ, ໂຮນລັງ, ລາວ, ຈີນ ໄດ້ບໍລິຈາກ, ສະໜັບສະໜູນວຽກງານປ້ອງກັນ, ຕ້ານພະຍາດໂຄວິດ-19 ພາຍໃນປະເທດ, ຍົກຍອດຈໍານວນເງິນບໍລິຈາກຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດຂຶ້ນກວ່າ 34 ຕື້ດົ່ງ.
|
|
ທ່ານ ດັ້ງມິງຄອຍ ຮອງລັດຖະມົນຕີກະຊວງການຕ່າງປະເທດ ມອບເງິນສະໜັບສະໜູນຂອງຊາວຫວຽດນາມ ອາໄສຢູ່ຕ່າງປະເທດ ໃຫ້ກອງທຶນປ້ອງກັນ, ຕ້ານພະຍາດໂຄວິດ-19. ພາບ: ເຟືອງລິີງ. |
ເນື່ອງໃນໂອກາດນີ້, ທ່ານ ເຈິ່ນແທັງເໝິນ, ປະທານສູນກາງແນວໂຮມປະເທດຊາດຫວຽດນາມ ກໍ່ມອບຜ້າອັດປາກ-ອັດດັງ 50.000 ອັນ ໃຫ້ແກ່ປະຊາຄົມຊາວຫວຽດນາມ ອາໄສຢູ່ ອາເມລິກາ ໂດຍຜ່ານຄະນະກໍາມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ.
ໂດຍ: ທູຈາງ