ຫວຽດນາມ ສາມາດປິ່ນປົວຄົນຕິດເຊື້ອພະຍາດ Covid-19 ຫາຍດີໝົດທຸກຄົນແລ້ວ
ກປ.ອອນໄລ - ຕອນເຊົ້າວັນທີ 26 ກຸມພາ, ຫ້ອງກວດພະຍາດຫຼາຍຂະແໜງເຂດກວາງຮ່າ (ເມືອງບີ່ງຊວຽນ, ແຂວງຫວີ໊ງຟຸກ) ໄດ້ຈັດຕັ້ງການອອກໂຮງໝໍໃຫ້ແກ່ຄົນເຈັບ N.V.V, ອາຍຸ 50 ປີ, ຢູ່ຕາແສງເຊີນໂລຍ, ເມືອງບີ່ງຊວຽນ, ແຂວງຫວີ໊ງຟຸກ. ນີ້ແມ່ນຜູ້ຕິດເຊື້ອພະຍາດ Covid-19 ຄົນສຸດທ້າຍຢູ່ຫວຽດນາມ ໄດ້ອອກໂຮງໝໍຄິດໄລ່ມາຮອດປັດຈຸບັນ.
    |
 |
|
ຫ້ອງກວດພະຍາດຫຼາຍຂະແໜງເຂດກວາງຮ່າ ຈັດຕັ້ງການອອກໂຮງໝໍໃຫ້ແກ່ຄົນເຈັບທີ່ຕິດເຊື້ອພະຍາດ Covid-19 ຄົນສຸດທ້າຍ. ພາບ: qdnd.vn. |
ຄົນເຈັບ N.V.V ໄດ້ຢັ້ງຢືນວ່າຕິດເຊື້ອພະຍາດ Covid-19. ຄົນເຈັບໄດ້ປະຕິບັດປິ່ນປົວຢູ່ຫ້ອງກວດພະຍາດຫຼາຍຂະແໜງເຂດກວາງຮ່າ, ເມືອງບີ່ງຊວຽນ, ແຂວງຫວີ໊ງຟຸກ. ພາຍຫຼັງປິ່ນປົວພະຍາດເປັນເວລາ 15 ວັນ, ຄົນເຈັບ N.V.V ບໍ່ເປັນໄຂ້, ບໍ່ໄອ, ບໍ່ຫາຍໃຈຝືດ, ອາການສຸຂະພາບເປັນປົກກະຕິ. ຄົນເຈັບໄດ້ທຳການວິໄຈຄືນໃໝ່ເປັນ 3 ຄັ້ງ ແລະຜົນການວິໄຈອອກມາວ່າຜູ້ກ່ຽວບໍ່ມີປະກົດການຂອງເຊື້ອພະຍາດ Covid-19 ອີກແລ້ວ. ປັດຈຸບັນ, ຄົນເຈັບຜູ້ນັ້ນມີສຸຂະພາບແຂງແຮງດີ, ບໍ່ໄຂ້, ບໍ່ໄອ, ມີສະພາບເປັນປົກກະຕິ.
ໂດຍ: ທູຈາງ