Viettel ຈະກະຈາຍຄື້ນ 5G ໃຫ້ສະໜາມແຂ່ງລົດ F1 ຢູ່ຮ່າໂນ້ຍ
ກປ.ອອນໄລ - ທ່ານ ຫງວຽນແມ້ງຮຸ່ງ ລັດຖະມົນຕີກະຊວງຖະແຫຼງຂ່າວ ແລະສື່ສານຫວຽດນາມ ຫາກໍ່ຊີ້ນໍາ Viettel ສົມທົບກັບພະແນກຖະແຫຼງຂ່າວ ແລະສື່ສານຮ່າໂນ້ຍ ອອກແບບຕິດຕັ້ງເຂດກະຈາຍຄື້ນ 5G ຢູ່ຮ່າໂນ້ຍ, ໃຫ້ສໍາເລັດໃນປີ 2019 ເພື່ອແນໃສ່ຮັບໃຊ້ການແຂ່ງລົດ F1 ໃນປີ 2020.
ທີ່ກອງປະຊຸມແລກປ່ຽນວຽກງານຄຸ້ມຄອງລັດ ໄຕມາດທີ III-2019 ຂອງກະຊວງຖະແຫຼງຂ່າວ ແລະສື່ສານຫວຽດນາມ ຫາກໍ່ດໍາເນີນໄປຢູ່ຮ່າໂນ້ຍ, ທ່ານ ຫງວຽນແມ້ງຮຸ່ງ ລັດຖະມົນຕີກະຊວງຖະແຫຼງຂ່າວ ແລະສື່ສານຫວຽດນາມ ໄດ້ຊີ້ນໍາ Viettel ສົມທົບກັບພະແນກຖະແຫຼງຂ່າວ ແລະສື່ສານຮ່າໂນ້ຍ ອອກແບບຕິດຕັ້ງເຂດກະຈາຍຄື້ນ 5G ຢູ່ຮ່າໂນ້ຍ, ໃຫ້ສໍາເລັດໃນປີ 2019 ເພື່ອຮັບໃຊ້ໃຫ້ແກ່ການແຂ່ງລົດ F1 ໃນປີ 2020.
|
|
ຄະນະກໍາມະການປະຊາຊົນນະຄອນຮ່າໂນ້ຍ ແລະບໍລິສັດຫວຽດນາມ Grand Prix (ສັງກັດກຸ່ມບໍລິສັດ Vingroup) ຈັດຕັ້ງພິທີເລີ່ມລົງມືກໍ່ສ້າງສະໜາມແຂ່ງລົດ F1 ຮ່າໂນ້ຍ ຢູ່ເມືອງນາມຕື່ລຽມ, ຮ່າໂນ້ຍ. ພາບ: ວັນຟອງ. |
ສະໜາມແຂ່ງລົດ F1 ຢູ່ຮ່າໂນ້ຍ ໄດ້ເລີ່ມລົງມືກໍ່ສ້າງແຕ່ວັນທີ 20 ມີນາ 2019, ດ້ວຍເນື້ອທີ່ທັງໝົດແມ່ນ 88 ເຮັກຕາ. ຄາດຄະເນວ່າ, ທຸກໆລາຍການຂອງສະໜາມແຂ່ງລົດ F1 ຮ່າໂນ້ຍ ຈະສໍາເລັດໃນເດືອນມີນາ 2020. ຫວ່າງແລ້ວນີ້, ກຸ່ມບໍລິສັດ Formula One ໄດ້ປະກາດຮ່າງຕາຕະລາງແຂ່ງລົດ F1 ປີ 2020 ຢ່າງເປັນທາງ.
ໂດຍ: ທະນາພອນ