ນໍາໃຊ້ບໍລິການ 4G ຂອງ Viettel ຢູ່ງານບຸນບັ້ງໄຟດອກດ່ານັ້ງ ໄດ້ຢ່າງສະດວກສະບາຍ
ກປ.ອອນໄລ - ໃນລະດູທ່ອງທ່ຽວ, ນະຄອນດ່ານັ້ງ ເຄີຍມີຄວາມຄຶກຄື້ນມາແຕ່ດັ້ງເດີມ, ແຕ່ວ່າວັນເສົາຍິ່ງມີຄວາມຄຶກຄື້ນກວ່າ ຍ້ອນບັນຍາກາດຂອງງານບຸນບັ້ງໄຟດອກສາກົນ, ພ້ອມກັນນັ້ນແມ່ນຄວາມຕ້ອງການແບ່ງປັນຂໍ້ມູນຜ່ານທາງອິນເຕີແນັດມີການເພີ່ມຂຶ້ນສູງຢ່າງຕໍ່ເນື່ອງ.
ລຸງ ຫວໍທິແທັກ, ອາຈານສອນທີ່ກິນເບ້ຍບຳນານແລ້ວ ຢູ່ເມືອງຫ໋າຍເຈົາ (ດ່ານັ້ງ) ໄດ້ອວດປີ້ເຂົ້າຊົມການສະແດງຍິງບັ້ງໄຟດອກໃນຄໍ່າຄືນວັນເສົາ ໂດຍລູກສາວ ຊື້ໃຫ້. ລຸງ ແທັກ ມັກໃຊ້ facebook ທີ່ສຸດ. ແຕ່ລະເທື່ອທີ່ໄປໃສ, ເຂົ້າຮ່ວມກິດຈະກໍາໃດໜຶ່ງ, ເຫັນອັນໃດມ່ວນໆງາມໆ, ລຸງ ມັກແຊຢູ່ facebook ຂອງຕົນຄືດັ່ງຄວາມລຶ້ງເຄີຍໃນການບັນທຶກໄວ້ເປັນທີ່ລະນຶກໃນຊີວິດ. ການສະແດງຍິງບັ້ງໄຟດອກຂອງທີມແບນຊິກ-ແຟງລັງ ລຸງ ແທັກ ກໍ່ໄດ້ບັນທຶກໄວ້. ເຖິງວ່າຝົນຕົກກໍ່ຕາມ, ແຕ່ລຸງ ແທັກ ຍັງ livestream ນັບແຕ່ເລີ່ມເປີດສາກບັນດາລາຍການ.
ບໍ່ພຽງແຕ່ລຸງ ແທັກ ເທົ່ານັ້ນ, ເມື່ອການສະແດງເລີ່ມຕົ້ນ, ຢູ່ແຕ່ລະອັດສະຈັນ, ມີໂທລະສັບນັບຫຼາຍຮ້ອຍໜ່ວຍໄດ້ເອົາອອກມາຖ່າຍຮູບ ແລະ livestream. ໃນເວລານີ້, ຕາມຂໍ້ມູນຈາກເຄືອຂ່າຍ Viettel ແລ້ວ, ປະລິມານຂໍ້ມູນມີການເຄື່ອນໄຫວຢ່າງແຮງ ແລະເພີ່ມຂຶ້ນສູງທີ່ສຸດ, ພິເສດແມ່ນຢູ່ລະບົບໂຄງລ່າງ 4G.
|
|
ຜູ້ຊົມຫຼາຍຄົນໄດ້ livestream ຢູ່ງານບຸນບັ້ງໄຟດອກດ່ານັ້ງ. ພາບ: ຢ້ຽວລີງ. |
ປະລິມານ data 4G ໃນບັນດາຄໍ່າຄືນທີ່ຍິງບັ້ງໄຟດອກຢູ່ດ່ານັ້ງ ໃນປີ້ນີ້ແມ່ນສູງກວ່າແຕ່ 2-2,5 ເທົ່າ ເມື່ອທຽບໃສ່ກັບປີ 2018 ແລະໃນແຕ່ລະຄືນແມ່ນເພີ່ມຂຶ້ນປະມານ 10%. ຄວາມຕ້ອງການຂອງລູກຄ້າຫຼາຍ, ແຕ່ Viettel ຍັງຮັກສາຄຸນນະພາບຂອງເຄືອຂ່າຍໄດ້ເປັນຢ່າງດີ. ໃນແຕ່ລະຄືນທີ່ດໍາເນີນການສະແດງການຍິງບັ້ງໄຟດອກ, Viettel ໄດ້ຈັດສົ່ງກໍາລັງພະນັກງານເພື່ອວັດແທກ, ກວດກາຄຸນນະພາບບໍລິການ ຄື: ການສົ່ງຂໍ້ຄວາມ, ການໂທ, ໃຊ້ web...
ກ່ອນເວລາທີ່ຍິງບັ້ງໄຟດອກ 2 ຊົ່ວໂມງ, ຄວາມໄວຂອງເຄືອຂ່າຍ 4G ໄດ້ວັດແທັກຢູ່ແອັບພຼີເຄຊັນ speedtest ແມ່ນການດາວໂຫຼດບັນລຸໄດ້ 100Mbps ແລະການອັບໂຫຼດບັນລຸໄດ້ແຕ່ 30-50Mbps. ໃນເວລາທີ່ຍິງບັ້ງໄຟດອກ, ຍ້ອນຈໍານວນຜູ້ຊົມໃຊ້ເພີ່ມຂຶ້ນສູງ, ຄວາມໄວຂອງ 4G Viettel ຍັງຮັກສາຢູ່ໃນລະດັບການດາວໂຫຼດແມ່ນແຕ່ 20-30Mbps ແລະການອັບໂຫຼດແຕ່ 5-15Mbps, ສາມາດຕອບສະໜອງໃຫ້ແກ່ການ livestream ດ້ວຍຄຸນນະພາບ HD.
ຜູ້ຕາງໜ້າຂອງ Viettel ໃຫ້ຮູ້ວ່າ “ສິ່ງທ້າທາຍຂອງ Viettel ແມ່ນຕ້ອງອອກແບບເຄືອຂ່າຍໃຫ້ມີການຈໍາກັດຂອບເຂດ, ສຸມໃສ່ບ່ອນມີຈໍານວນຄົນຫຼາຍ ແລະຕ້ອງຮັບປະກັນຄວາມງາມໃຫ້ແກ່ເຫດການສາກົນ”. ໜຶ່ງໃນບັນດາທ່າແຮງກ່ຽວກັບຊັບພະຍາກອນຂອງ Viettel ແມ່ນມີຄວາມຖີ່ 1.800MHz ແລະ 2.100MHz ເພື່ອຜັນຂະຫຍາຍ 4G. ພ້ອມກັນນັ້ນແມ່ນມີລົດກະຈາຍສັນຍານເຄື່ອນທີ່ຫຼາຍຄັນ, ມີ wifi... ໄດ້ຈັດສັນເປັນຫຼາຍຮູບຫຼາຍແບບຢູ່ຕາມບັນດາສະຖານທີ່ຕ່າງໆ.
ລຸງ ແທັກ ແບ່ງປັນດ້ວຍຄວາມເບີກບານມ່ວນຊື່ນວ່າ “ຕົນເອງມັກໃຊ້ facebook ເລື່ອຍໆ ສະນັ້ນເບື້ອງຕົ້ນລຸງກໍ່ເປັນຫ່ວງວ່າເມື່ອມີຄົນໃຊ້ຫຼາຍ ຢ້ານສັນຍານຈະບໍ່ດີ ແຕ່ບໍ່ຄິດເລີຍວ່າຍັງສາມາດ livestream ໄດ້ຢ່າງສະດວກ. ມັກທີ່ສຸດແມ່ນມີໝູ່ເພື່ອນຫຼາຍຄົນໄດ້ເຂົ້າເບິ່ງ...”.
ໂດຍ: ທະນາພອນ