ອະນຸກໍາມະການເສດຖະກິດສັງຄົມ ເຮັດວຽກກັບບາງທ້ອງຖິ່ນເຂດພາກກາງ - ໄຕງວຽນ ຂອງຫວຽດນາມ
ຕອນເຊົ້າວັນທີ 12 ກໍລະກົດ, ຢູ່ແຂວງດັກລັກ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ຫົວໜ້າອະນຸກໍາມະການເສດຖະກິດ-ສັງຄົມ ກະກຽມກອງປະຊຸມໃຫຍ່ທົ່ວປະເທດ ຄັ້ງທີ 13 ຂອງພັກ ໄດ້ເປັນປະທານການເຮັດວຽກຂອງອະນຸກໍາມະການ ກັບ 10 ທ້ອງຖິ່ນເຂດພາກກາງ-ໄຕງວຽນ ເຊິ່ງລວມມີ: ດັກລັກ, ນະຄອນດ່ານັ້ງ, ກວາງນາມ, ກວາງຫງາຍ, ບິ່ງດິ້ງ, ຝູອຽນ, ເລິມດົ່ງ, ຢາລາຍ, ກອນຕຸມ ແລະດັກນົງ.
ກ່າວຄໍາເຫັນໄຂການເຮັດວຽກ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໃຫ້ຮູ້ວ່າການເຮັດວຽກຄັ້ງນີ້ມີຄວາມສໍາຄັນທີ່ສຸດເພື່ອໃຫ້ບັນດາສະມາຊິກຂອງອະນຸກໍາມະການເສດຖະກິດ-ສັງຄົມ ຮັບຟັງຄໍາເຫັນຕົວຈິງຈາກວິວັດການພັດທະນາຂອງບັນດາທ້ອງຖິ່ນໃນການປະຕິບັດໜ້າທີ່ພັດທະນາເສດຖະກິດ-ສັງຄົມຂອງຍຸດທະສາດໄລຍະ 10 ປີ ຄືແຕ່ປີ 2011 – 2020, ແຜນການໄລຍະ 5 ປີ 2016 – 2020; ປະກອບແນວຄວາມຄິດ, ການກໍານົດທິດພັດທະນາທີ່ໃກ້ຊິດຕິດແທດກັບຕົວຈິງ ໃສ່ເອກະສານສະບັບຕ່າງໆ ເຊິ່ງອະນຸກໍາມະການຕ້ອງໄດ້ສ້າງແຜນການ, ເຊິ່ງລວມມີແຜນການພັດທະນາເສດຖະກິດ - ສັງຄົມ ໄລຍະ 5 ປີ 2021 – 2025 ແລະຍຸດທະສາດພັດທະນາເສດຖະກິດສັງຄົມໄລຍະ 10 ປີ 2021 – 2030. ພ້ອມກັນນັ້ນແມ່ນຕ້ອງມີວິໄສທັດໄລຍະຍາວຮອດທ້າຍປີ 2045 ອີກດ້ວຍ.
|
|
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເປັນປະທານການເຮັດວຽກຂອງອະນຸກໍາມະການກັບ 10 ທ້ອງຖິ່ນເຂດພາກກາງ-ໄຕງວຽນ. ພາບ: chinhphu.vn. |
ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາທ້ອງຖິ່ນຕ້ອງເອົາໃຈໃສ່ເຖິງການສືບທອດ ແລະເສີມຂະຫຍາຍຜົນງານຂອງ 30 ປີ ແຫ່ງການປ່ຽນແປງໃໝ່ປະເທດຊາດ. ຕາມນັ້ນແລ້ວ, ທ່ານຊີ້ນໍາໃຫ້ບັນດາທ້ອງຖິ່ນຈົ່ງຍົກອອກບັນດາຂໍ້ຕິດຂັດ, ຮົ້ວກີດຂວາງໃນການພັດທະນາຢ່າງກົງໄປກົງມາ; ບັນດາມາດຕະການ, ຮູບແບບພັດທະນາ, ວິທີໝູນໃຊ້ຢ່າງມີຫົວຄິດປະດິດສ້າງເພື່ອຊ່ວຍໃຫ້ທ້ອງຖິ່ນ, ເຂດ, ພາກ ແລະປະເທດຊາດພັດທະນາຢ່າງໄວວາ ແລະຍືນຍົງໃນໄລຍະຈະມາເຖິງ.
ແຫຼ່ງຄັດຈາກ: vovworld.vn