ວົງເງິນການຄ້າລະຫວ່າງຫວຽດນາມ-ລາວ ສືບຕໍ່ເພີ່ມຂຶ້ນ
ກປ.ອອນໄລ - ຕາມຫ້ອງການການຄ້າຫວຽດນາມ ຢູ່ລາວ ແລ້ວ, ຍອດວົງເງິນການສົ່ງອອກ-ນໍາເຂົ້າ ລະຫວ່າງຫວຽດນາມ-ລາວ ແຕ່ເດືອນມັງກອນ ຮອດເດືອນຕຸລາ 2022 ບັນລຸລະດັບ 1,36 ຕື້ໂດລາສະຫະລັດ, ເພີ່ມຂຶ້ນ 28,3% ເມື່ອທຽບໃສ່ໄລຍະດຽວກັນຂອງປີກາຍ.
ຕາມນັ້ນແລ້ວ, ການສົ່ງອອກຂອງຫວຽດນາມ ໄປຍັງລາວ ບັນລຸລະດັບ 512,3 ລ້ານໂດລາສະຫະລັດ, ເພີ່ມຂຶ້ນ 3,7% ເມື່ອທຽບໃສ່ໄລຍະດຽວກັນຂອງປີ 2021. ບັນດາປະເພດສິນຄ້າສົ່ງອອກຕົ້ນຕໍ ລວມມີ: ຜັກ ແລະໝາກໄມ້, ນໍາມັນອາຍແກັສ, ຝຸ່ນ, ເຄື່ອງຈັກ, ອຸປະກອນ, ເຄື່ອງອາໄຫຼ່, ເຫຼັກກ້າ. ການນໍາເຂົ້າຂອງຫວຽດນາມ ຈາກລາວ ບັນລຸລະດັບ 849,5 ລ້ານໂດລາສະຫະລັດ, ເພີ່ມຂຶ້ນ 49,5% ເມື່ອທຽບໃສ່ໄລຍະດຽວກັນຂອງປີ 2021. ບັນດາປະເພດສິນຄ້ານໍາເຂົ້າຕົ້ນຕໍແມ່ນ: ຢາງພາລາ, ຝຸ່ນ, ໄມ້ ແລະແຮ່ທາດ.
|
|
ລົດ contener ຂົນສ່ົງສິນຄ້າຈາກລາວ ເຂົ້າຫວຽດນາມ ຜ່ານດ່ານສາກົນຈາລໍ. ພາບ: vovworld.vn |
ສະເພາະເດືອນຕຸລາ, ວົງເງິນການສົ່ງອອກຂອງຫວຽດນາມ ໄປຍັງລາວ ບັນລຸລະດັບ 46,3 ລ້ານໂດລາສະຫະລັດ, ຫຼຸດ 9,2% ເມື່ອທຽບໃສ່ເດືອນກັນຍາ ປີ 2022. ກົງກັນຄ້າມ, ການນໍາເຂົ້າຂອງຫວຽດນາມ ໄປຍັງລາວ ບັນລຸລະດັບ 94,4 ລ້ານໂດລາສະຫະລັດ, ເພີ່ມຂຶ້ນ 0,5% ເມື່ອທຽບໃສ່ເດືອນກັນຍາ ປີ 2022.
ຫ້ອງການການຄ້າຫວຽດນາມ ຢູ່ລາວ ໃຫ້ຮູ້ວ່າ ດ້ວຍລະດັບການເຕີບໂຕວົງເງິນການຄ້າລະຫວ່າງສອງປະເທດຄືປະຈຸບັນ, ຄາດວ່າ ປີ 2022, ຍອດວົງເງິນການຄ້າສອງປະເທດ ບັນລຸປະມານ 1,63 ຕື້ໂດລາສະຫະລັດ, ເພີ່ມຂຶ້ນກວ່າ 20% ເມື່ອທຽບໃສ່ປີ 2021, ປະຕິບັດສໍາເລັດຄາດໝາຍ ເຊິ່ງການນໍາຂັ້ນສູງສອງປະເທດວາງອອກທີ່ກອງປະຊຸມ ຄັ້ງທີ 44 ຄະນະກຳມະການຮ່ວມມືທະວີພາຄີລະຫວ່າງລັດຖະບານ ຫວຽດນາມ-ລາວ.
ໂດຍ: ທູຈາງ