ຫວຽດນາມ ນໍາໜ້າໃນໂລກກ່ຽວກັບການນໍາເຂົ້າເຕັກໂນໂລຢີສູງ
ກປ.ອອນໄລ - ຕາມບົດລາຍງານດັດຊະນີປ່ຽນແປງໃໝ່ປະດິດຄິດສ້າງທົ່ວໂລກ (GII) ປີ 2022 ໂດຍອົງການຊັບສິນທາງປັນຍາໂລກ (WIPO) ຫາກໍ່ປະກາດໄດ້ຊີ້ໃຫ້ເຫັນວ່າ ຫວຽດນາມ ໄດ້ຈັດຢູ່ອັນດັບທີ 48/132 ປະເທດ, ພື້ນຖານເສດຖະກິດ.
ເຖິງວ່າ ຫຼຸດລົງ 4 ຂັ້ນເມື່ອທຽບໃສ່ປີ 2021 ກໍ່ຕາມ (ອັນດັບທີ 44), ແຕ່ຫວຽດນາມ ຍັງໄດ້ອັນດັບທີ 3 ໃນພາກພື້ນອາຊີຕາເວັນອອກສ່ຽງໃຕ້, ຖັດຈາກສິງກະໂປ (ອັນດັບທີ 7) ແລະໄທ (ອັນດັບທີ 43). ບົດລາຍງານກໍ່ໃຫ້ຮູ້ວ່າ ຫວຽດນາມ ນໍາໜ້າໂລກກ່ຽວກັບການນໍາເຂົ້າເຕັກໂນໂລຢີສູງ.
ພິເສດ, ຫວຽດນາມ ພ້ອມກັບອີຣານ ແລະຟີລິບປິນ ແມ່ນ 3 ພື້ນຖານເສດຖະກິດທີ່ມີລາຍຮັບປານກາງມີຄວາມໄວເຕີບໂຕຢ່າງປະສິດທິພາບປ່ຽນແປງໃໝ່ໄວທີ່ສຸດຈົນຮອດປະຈຸບັນ. ສະວິດ ແມ່ນປະເທດອັນດັບທີ 1 ໃນຕາຕະລາງຈັດອັນດັບປ່ຽນແປງໃໝ່ປະດິດຄິດສ້າງ, ພິເສດແມ່ນການປະດິດຄິດສ້າງ, ລົງທຶນຊອບແວ, ຜະລິດຜະລິດຕະພັນເຕັກໂນໂລຢີສູງ. ຖັດຈາກສະວິດ ຕາມລໍາດັບແມ່ນ ອາເມລິກາ, ຊູແອັດ ແລະອັງກິດ.
ໂດຍ: ຈາງຫງວຽນ