ລາຍການພົບປະແລກປ່ຽນ - ສະແດງສິລະປະ “ຟື້ນຄືນຊີບຈາກເຟື້ອງສາຍຮຸ່ງ”
ກປ.ອອນໄລ - ຕອນຄໍ່າວັນທີ 10 ສິງຫາ, ທີ່ຮ່າໂນ້ຍ, ສູນກາງສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຫວຽດນາມ ໄດ້ສົມທົບກັບຫ້ອງການອົງການປະຈໍາການຄະນະຊີ້ນໍາແຫ່ງຊາດ ກ່ຽວກັບການແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ ແລະທາດພິດສີສົ້ມທີ່ຕົກຄ້າງຫຼັງສົງຄາມ ຢູ່ຫວຽດນາມ (ຄະນະຊີ້ນໍາ 701) ແລະສູນກະຈາຍສຽງ-ໂທລະພາບກອງທັບ ຈັດຕັ້ງລາຍການພົບປະແລກປ່ຽນ - ສະແດງສິລະປະ ພາຍໃຕ້ຫົວຂໍ້ “ຟື້ນຄືນຊີບຈາກເຟື້ອງສາຍຮຸ່ງ”.
|
|
ລາຍການສະແດງສິລະປະທີ່ລາຍການ. ພາບ: qdnd.vn |
ເຂົ້າຮ່ວມລາຍການມີສະຫາຍ ພົນໂທ ໂດ໊ກັນ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ພົນໂທ ຫງວຽນວັນຣິງ ປະທານສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຫວຽດນາມ.
|
|
ພົບປະແລກປ່ຽນ ກັບບຸກຄົນທີ່ໃຫ້ການຊ່ວຍເຫຼືອຢູ່ລາຍການ. ພາບ: qdnd.vn |
ລາຍການປະກອບມີບັນດາລາຍການສະແດງສິລະປະທີ່ເປັນເອກະລັກສະເພາະ ພ້ອມກັບສາລະຄະດີ, ການພົບປະແລກປ່ຽນກັບບຸກຄົນພາຍໃນ ແລະຕ່າງປະເທດ ທີ່ມີການປະກອບສ່ວນຢ່າງຕັ້ງໜ້າເຂົ້າໃນການແກ້ໄຂຜົນຮ້າຍຢ້ອນຫຼັງຈາກທາດພິດສີສົ້ມ, ເບິ່ງແຍງລ້ຽງດູ, ຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມ.
|
|
ພົນໂທ ໂດ໊ກັນ ແລະພົນໂທ ຫງວຽນວັນຣິງ ມອບໃບຢັ້ງຢືນ, ໃບຍ້ອງຍໍໃຫ້ໝູ່ຄະນະ ແລະບຸກຄົນ ທີ່ລາຍການ. ພາບ: qdnd.vn |
ນອກນີ້, ລາຍການຍັງແມ່ນໂອກາດເພື່ອຍ້ອງຍໍຊົມເຊີຍແບບຢ່າງຜູ້ປະສົບເຄາະຮ້າຍຈາກທາດພິດສີສົ້ມ ທີ່ໄດ້ປະກາຍແສງສະຫວ່າງດ້ວຍຄວາມມານະພະຍາຍາມ ແລະຄວາມຄາດຫວັງບືນຕົວຂຶ້ນຢ່າງແຮງ, ຜ່ານຜ່າຄວາມຫຍຸ້ງຍາກ ເພື່ອເຊື່ອມຕົວເຂົ້າກັບວົງຄະນະຍາດ; ເຊີດຊູ, ສະແດງຄວາມຮູ້ບຸນຄຸນຕໍ່ການຈັດຕັ້ງ, ບຸກຄົນທີ່ຢູ່ພາຍໃນ ແລະຕ່າງປະເທດ, ຜູ້ໃຈບຸນໃຈກຸສົນ... ທີ່ຍາມໃດກໍຮ່ວມເດີນທາງເບິ່ງແຍງລ້ຽງດູ, ຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມ, ຮ່ວມແຮງຮ່ວມໃຈບັນເທົາຄວາມເຈັບປວດຈາກທາດພິດສີສົ້ມ. ທີ່ລາຍການ, ຫຼາຍໝູ່ຄະນະ ແລະບຸກຄົນ ໄດ້ບໍລິຈາກເງິນໃຫ້ກອງທຶນຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຫວຽດນາມ.
ໂດຍ: ໄຊຊະນະ