ກໍາລັງແຮງຂອງການສຶກສາ STEAM ແລະແຫຼ່ງຊັບພະຍາກອນມະນຸດປະດິດສ້າງ
ກປ.ອອນໄລ - ນີ້ແມ່ນຫົວຂໍ້ຂອງກອງປະຊຸມສຸດຍອດຫົວຄິດປະດິດສ້າງຫົວໜ້າໜຸ່ມພາກອາຊີຕາເວັນອອກສ່ຽງໃຕ້ (YSEALI) 2021 ໂດຍຄະນະປະຕິບັດງານການທູດອາເມລິກາ ປະຈໍາ ຫວຽດນາມ ຈັດຂຶ້ນຜ່ານລະບົບທາງໄກໃນວັນທີ 16 ຕຸລາ, ທີ່ນະຄອນໂຮ່ຈີມິນ.
ກອງປະຊຸມໄດ້ສ້າງກາລະໂອກາດໃຫ້ນັກຮຽນເກົ່າຂອງ YSEALI ຢູ່ພາກອາຊີຕາເວັນອອກ 150 ຄົນຄົ້ນຄວ້າ ແລະສັງເກດສິ່ງທ້າທາຍ, ກາລະໂອກາດໃໝ່ສຸດໃນການສຶກສາຢູ່ພາກພື້ນ, ຊອກຮູ້ວິທີການສຶກສາປະດິດສ້າງ ແລະເຕັກໂນໂລຢີກ້າວໜ້າ. ບັນດາບົດບັນລະຍາຍ, ຄົ້ນຄວ້າທີ່ພົ້ນເດັ່ນ ແລະການເຄື່ອນໄຫວທີ່ກ່ຽວຂ້ອງເຖິງ STEAM (ວິທະຍາສາດ, ເຕັກໂນໂລຢີ, ເຕັກນິກ, ສິລະປະ ແລະຄະນິດສາດ) ແລະອຸດສາຫະກໍາ 4.0 ທີ່ກອງປະຊຸມຊ່ວຍຜູ້ເຂົ້າຮ່ວມສ້າງການເຊື່ອມຕໍ່ສາກົນ, ປະຕິບັດມາດຕະການໄລຍະສັ້ນ ແລະຍາວເພື່ອແກ້ໄຂບັນຫາລວມຂອງປະເທດ ແລະພັດທະນາແຫຼ່ງຊັບພະຍາກອນມະນຸດທີ່ມີເຕັກນິກສູງ, ປະກອບສ່ວນຊຸກຍູ້ການພັດທະນາເສດຖະກິດໃນພາກພື້ນ.
ໂດຍ: ເກື່ອງດັ້ງ