ວັນມາດຕະຖານໂລກ 14 ຕຸລາ - ວິໄສທັດລວມໃຫ້ແກ່ໂລກທີ່ສວຍງາມກວ່າ
ຫົວຂໍ້ຂອງວັນມາດຕະຖານໂລກປີນີ້ແມ່ນ “ມາດຕະຖານຮັບໃຊ້ບັນດາເປົ້າໝາຍພັດທະນາແບບຍືນຍົງ - ວິໄສທັດລວມໃຫ້ແກ່ໂລກທີ່ສວຍງາມກວ່າ”
    |
 |
|
ພິທີສະເຫຼີມສະຫຼອງ 51 ປີແຫ່ງວັນມາດຕະຖານໂລກ. ພາບ: thuonghieucongluan.com.vn |
ຕອນບ່າຍວັນທີ 14 ຕຸລາ, ຢູ່ຮ່າໂນ້ຍ, ກົມໃຫຍ່ມາດຕະຖານວັດແທກຄຸນນະພາບ (ກະຊວງວິທະຍາສາດ ແລະເຕັກໂນໂລຊີ ຫວຽດນາມ) ໄດ້ຈັດພິທີສະເຫຼີມສະຫຼອງ 51 ປີແຫ່ງວັນມາດຕະຖານໂລກ 14 ຕຸລາ.
ຫົວຂໍ້ຂອງວັນມາດຕະຖານໂລກປີນີ້ແມ່ນ “ມາດຕະຖານຮັບໃຊ້ບັນດາເປົ້າໝາຍພັດທະນາແບບຍືນຍົງ - ວິໄສທັດລວມໃຫ້ແກ່ໂລກທີ່ສວຍງາມກວ່າ” ເພື່ອແນໃສ່ສົ່ງສານ: ມາດຕະຖານສະໜອງມາດຕະການແກ້ໄຂສິ່ງທ້າທາຍທີ່ກ່ຽວຂ້ອງເຖິງເປົ້າໝາຍພັດທະນາແບບຍືນຍົງ. ທ່ານ ຫງວຽນຮ່ວາງລິງ, ຮອງຫົວໜ້າກົມມາດຕະຖານວັດແທກຄຸນນະພາບ, ກະຊວງວິທະຍາສາດ ແລະ ເຕັກໂນໂລຊີ ຫວຽດນາມ, ເນັ້ນໜັກວ່າ:
“ຄວາມໝາຍຂອງສານໃນວັນມາດຕະຖານໂລກປີນີ້ ແມ່ນຢາກເນັ້ນໜັກເຖິງບົດບາດຂອງມາດຕະຖານ ເພື່ອຊ່ວຍໃຫ້ລັດຖະບານ, ອົງການຈັດຕັ້ງ, ສ່ວນບຸກຄົນທີ່ກ່ຽວຂ້ອງໃນການນຳໃຊ້ມາດຕະຖານຄືດັ່ງເຄື່ອງມື, ມາດຕະການແກ້ໄຂເພື່ອບັນລຸໄດ້ເປົ້າໝາຍພັດທະນາແບບຍືນຍົງຂອງສະຫະປະຊາຊາດ ກໍຄືເປົ້າໝາຍພັດທະນາແບບຍືນຍົງຂອງແຕ່ລະປະເທດ. ພິເສດໃນສະພາບພາຍຫຼັງໂລກລະບາດ ພວກເຮົາຕ້ອງເຊື່ອມຕໍ່ຢ່າງແໜ້ນແຟ້ນຍິ່ງໆຂຶ້ນ”.
ແຫຼ່ງຄັດຈາກ: vovworld.vn