ສິນຄ້າສົ່ງອອກໄປຍັງອີຢູ ເກືອບ 4,8 ຕື້ໂດລາສະຫະລັດ ໄດ້ຮັບບຸລິມະສິດຕາມສັນຍາ EVFTA
ກປ.ອອນໄລ - ກະຊວງອຸດສາຫະກໍາ ແລະການຄ້າຫວຽດນາມ ໃຫ້ຮູ້ວ່າ, ເລື່ອງຂຸດຄົ້ນ ບັນດາສັນຍາການຄ້າເສລີ (FTA) ໄດ້ບັນລຸໝາກຜົນສໍາຄັນ, ປະກອບສ່ວນພັດທະນາການສົ່ງອອກຢ່າງໄວ ແລະຍືນຍົງ, ຫຼຸດຜ່ອນການຂຶ້ນກັບໜຶ່ງ ຫຼືສອງສາມຕະຫຼາດເທື່ອລະກ້າວ.
    |
 |
|
ພາບປະກອບຈາກ: baodautu.vn. |
ຍອດວົງເງິນການສົ່ງອອກນໍາໃຊ້ໃບຢັ້ງຢືນຕົ້ນກຳເນີດສິນຄ້າ (C/O) ບຸລິມະສິດຕາມ FTA ສະເລ່ຍບັນລຸ 32%-34%/ປີ. ໝາກ ຜົນດັ່ງກ່າວສະແດງໃຫ້ເຫັນວ່າ ບັນດາວິສາຫະກິດ ແລະສິນຄ້າສົ່ງອອກຈາກຫວຽດນາມ ພວມຄ່ອຍໆຍົກສູງອັດຕາໝູນໃຊ້ບຸລິມະສິດດ້ານພາສີຢູ່ບັນດາຕະຫລາດທີ່ມີ FTA ກັບຫວຽດນາມ. ພົ້ນເດັ່ນ, ສັນຍາການຄ້າເສລີລະຫວ່າງຫວຽດນາມ ແລະສະຫະພາບເອີລົບ (EVFTA), ນັບແຕ່ມີຜົນສັກສິດ (ເດືອນສິງຫາ 2020) ມາຮອດວັນທີ 4 ເມສາ 2021, ບັນດາອົງການ ຈັດຕັ້ງທີ່ໄດ້ຮັບການມອບສິດ ໄດ້ສະໜອງ C/O ແບບຟອມ EUR.1 ກວ່າ 127,296 ຊຸດ ດ້ວຍວົງເງິນເກືອບ 4,8 ຕື້ໂດລາສະຫະລັດ ໃຫ້ແກ່ 27 ປະເທດອີຢູ. ນອກຈາກນັ້ນ, ບັນດາວິສາຫະກິດສົ່ງອອກສິນຄ້າໄປຍັງຕະຫຼາດອີຢູ ຍັງປະຕິບັດການຢັ້ງຢືນຕົ້ນກຳເນີດໃຫ້ສິນຄ້າເກືອບ 3.585 ຊຸດ, ດ້ວຍມູນຄ່າກ່ວາ 10,8 ລ້ານໂດລາສະຫະລັດ, ແມ່ນໄດ້ຊົມໃຊ້ບຸລິມະສິດດ້ານພາສີຕາມ EVFTA. ບັນດາປະເພດສິນຄ້າທີ່ໄດ້ຊົມໃຊ້ບຸລິມະສິດຕົ້ນຕໍແມ່ນເກີບ, ສິນໃນນໍ້າ, ເຄື່ອງຕໍາແຜ່ນຕັດຫຍິບ, ຜະລິດຕະພັນກະເສດ ...
ໂດຍ: ກວຽດເຕິມ