ຫວຽດນາມ ຮຽກຮ້ອງແກ້ໄຂຮອບດ້ານບັນດາຜົນກະທົບຈາກການປ່ຽນແປງຂອງດິນຟ້າອາກາດ ແລະຄວາມໝັ້ນຄົງຢ່າງມະນຸດສະທຳ
ກປ.ອອນໄລ - ວັນທີ 17 ກັນຍາ, ພາຍໃຕ້ການເປັນປະທານຂອງທ່ານລັດຖະມົນຕີການຕ່າງປະເທດນີເຊ - ປະເທດປະທານສະພາຄວາມໝັ້ນຄົງສະຫະປະຊາຊາດ (ສປຊ) ໃນເດືອນກັນຍາ, ອົງການນີ້ໄດ້ຈັດຕັ້ງກອງປະຊຸມທາງໄກຕີລາຄາກ່ຽວກັບຜົນກະທົບຈາກການປ່ຽນແປງຂອງດິນຟ້າອາກາດ ແລະສິ່ງແວດລ້ອມຊຸດໂຊມສໍາລັບບັນດາບັນຫາມະນຸດສະທຳ, ສັນຕິພາບ ແລະຄວາມໝັ້ນຄົງສາກົນ.
|
|
ຜູ້ຕາງໜ້າບັນດາປະເທດສະມາຊິກສະພາຄວາມໝັ້ນຄົງ ສປຊ ເຂົ້າຮ່ວມກອງປະຊຸມທາງໄກກ່ຽວກັບບັນຫາກໍາລັງຮັກສາສັນຕິພາບ, ໃນວັນທີ 14 ກັນຍາ 2020. ພາບ: ສໍານັກຂ່າວສານຫວຽດນາມ. |
ກ່າວຄຳເຫັນທີ່ກອງປະຊຸມ, ທ່ານ ດັ້ງດີ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ຢັ້ງຢືນວ່າ ຕ້ອງແກ້ໄຂຮອບດ້ານບັນດາຜົນກະທົບຈາກການປ່ຽນແປງຂອງດິນຟ້າອາກາດ ແລະຄວາມໝັ້ນຄົງ ແລະສິ່ງແວດລ້ອມຊຸດໂຊມ.
ທ່ານ ດັ້ງດີ່ງກຸ໊ຍ ຮຽກຮ້ອງເພີ່ມທະວີການປະຕິບັດກົດໝາຍວ່າດ້ວຍມະນຸດສະທຳ, ລວມມີພັນທະທີ່ກ່ຽວຂ້ອງເຖິງການປົກປັກຮັກສາສິ່ງແວດລ້ອມ; ເພີ່ມທະວີການຮ່ວມມືກັບສາກົນ; ເອົາໃຈໃສ່ໜູນຊ່ວຍບັນດາປະເທດປະທະກັນ, ຫຼັງການປະທະກັນ, ບັນດາປະເທດດ້ອຍພັດທະນາ, ບັນດາປະເທດເກາະນ້ອຍພວມພັດທະນາ; ເພີ່ມທະວີຄວາມສາມາດຮັບມືຂອງປະຊາຊົນຕໍ່ຜົນກະທົບຈາກການປ່ຽນແປງຂອງດິນຟ້າອາກາດ.
ໂດຍ: ເຈິ່ນຮວ່ຽນ