EVFTA ຊ່ວຍຟື້ນຟູເສດຖະກິດ ແລະສ້າງວຽກເຮັດງານທໍາໃຫ້ເອີລົບ
ກປ.ອອນໄລ - ເວັບໄຊ moderndiplomacy.eu ໃນວັນທີ 3 ສິງຫາ ໄດ້ລົງບົດຂຽນໃຫ້ຮູ້ວ່າສິນຄ້າສົ່ງອອກຂອງອີຢູ ເຂົ້າຫວຽດນາມ ຈະເສຍພາສີໃນລະດັບຕໍ່າກວ່ານັບແຕ່ວັນທີ 1 ສິງຫາ. ນີ້ແມ່ນຜົນກະທົບໂດຍທັນທີພາຍຫຼັງສັນຍາການຄ້າເສລີລະຫວ່າງອີຢູ-ຫວຽດນາມ (EVFTA) ມີຜົນສັກສິດຢ່າງເປັນທາງການ ແລະສຸດທ້າຍຈະຍົກເວັ້ນພາສີສໍາລັບ 99% ສິນຄ້າແລກປ່ຽນລະຫວ່າງສອງຝ່າຍທຸກປະເພດ.