ການດຶງດູດທຶນ FDI ໃນທົ່ວປະເທດເພີ່ມຂຶ້ນກວ່າ 3%
ໃນ 11 ເດືອນຕົ້ນປີ 2019, ຍອດເງິນຈົດທະບຽນໃໝ່, ທຶນດັດສົມ ແລະປະກອບທຶນຊື້ຫຸ້ນຂອງ ນັກລົງທຶນຕ່າງປະເທດ ບັນລຸໄດ້ 31,8 ຕື້ USD, ເພີ່ມຂຶ້ນ 3,1% ເມື່ອທຽບກັບໄລຍະດຽວກັນຂອງປີ 2018.
    |
 |
|
ພາບປະກອບຄັດຈາກສໍານັກຂ່າວສານຫວຽດນາມ. |
ໃນນັ້ນ, ການລົງທຶນຕາມຮູບແບບປະກອບທຶນຊື້ຫຸ້ນມີທ່າອ່ຽງເພີ່ມຂຶ້ນຢ່າງແຮງ ແລະກວມອັດຕາສ່ວນນັບມື້ນັບສູງຂຶ້ນໃນຍອດເງິນລົງທຶນຈາກຕ່າງປະເທດ. ສິ່ງທີ່ໜ້າສົນໃຈວ່າຈຳນວນບັນດາຄະນະຜູ້ແທນຕ່າງປະເທດມາຊອກຮູ້ໂອກາດລົງທຶນຢູ່ ຫວຽດນາມ ເພີ່ມຂຶ້ນແຮງປະມານ 30% ເມື່ອທຽບໃສ່ໄລຍະດຽວກັນຂອງປີ 2018.
ບັນດານັກລົງທຶນຕ່າງປະເທດໄດ້ສຸມໃສ່ 19 ຂະແໜງ, ຂົງເຂດ, ຄື: ອຸດສາຫະກຳການປຸງແຕ່ງ, ປະດິດສ້າງ; ດຳເນີນທຸລະກິດອະສັງຫາລິມະຊັບ…
ປັດຈຸບັນມີ 117 ປະເທດ ແລະເຂດແຄ້ວນມີໂຄງການລົງທຶນຢູ່ຫວຽດນາມ. ຮົ່ງກົງ (ຈີນ) ຢືນຢູ່ອັນດັບທີ 1 ດ້ວຍຍອດເງິນລົງທຶນ ເກືອບ 6,7 ຕື້ USD ຖັດຈາກນັ້ນແມ່ນ: ສ.ເກົາຫຼີ, ສິງກະໂປ, ຈີນ ແລະຍີ່ປຸ່ນ...
ແຫຼ່ງຄັດຈາກ: vovworld.vn