ເອກອັກຄະລັດຖະທູດຊູແອັດ ມອບສິດນໍາພາໃຫ້ແກ່ເດັກນ້ອຍຍິງຫວຽດນາມ
ກປ.ອອນໄລ - ວັນທີ 3 ຕຸລາ, ທີ່ຮ່າໂນ້ຍ, ສະຖານທູດຊູແອັດ ປະຈໍາຫວຽດນາມ ໄດ້ສົມທົບກັບອົງການ Plan International ຫວຽດນາມ ຈັດຕັ້ງລາຍການມອບສິດໃຫ້ແກ່ເດັກນ້ອຍຍິງ.
ນີ້ແມ່ນໜຶ່ງໃນບັນດາກິດຈະກໍາຕອບສະໜອງວັນເດັກນ້ອຍຍິງສາກົນວັນທີ 11 ຕຸລາ ປະຈໍາປີ, ນັບແຕ່ປີ 2012 ເປັນຕົ້ນມາ.
ນາງ ເຟືອງແອັງ, ອາຍຸ 20 ປີ, ນັກສຶກສາມະຫາວິທະຍາໄລສ້າງຄູຮ່າໂນ້ຍ ມີໂອກາດໄດ້ຮັບການມອບສິດນຳພາຈາກທ່ານນາງ Ann Måwe ເອກອັກຄະລັດຖະທູດຊູແອັດ ປະຈໍາຫວຽດນາມ. ນາງ ເຟືອງແອັງ ມີໂອກາດໄດ້ເຮັດວຽກຂອງເອກອັກຄະລັດຖະທູດ 1 ວັນ ກໍ່ຄືໄດ້ຮັບຟັງເລື່ອງລາວຂອງທ່ານນາງ-ຈາກນາງສາວຊູແອັດ ທີ່ເປັນຄົນທໍາມະດາ ແລະໄດ້ກາຍມາເປັນເອກອັກຄະລັດຖະທູດ.
    |
 |
|
ທ່ານນາງ Ann Måwe ເອກອັກຄະລັດຖະທູດຊູແອັດ ປະຈໍາຫວຽດນາມ ມອບສິດໃຫ້ນາງ ເຟືອງແອັງ ດໍາລົງຕໍາແໜ່ງເປັນເອກອັກຄະລັດຖະທູດ 1 ວັນ. ພາບ: ຮ່າລີງ. |
ໃນວັນດຽວກັນ, ທ່ານນາງ Ann Måwe ແລະນາງ ເຟືອງແອັງ ໄດ້ໄປຢ້ຽມຢາມໂຮງຮຽນມັດທະຍົມຕອນປາຍເວິນໂນ້ຍ, ເມືອງດົງແອັງ, ເຂົ້າຮ່ວມວາລະປຶກສາຫາລືຂອງສະໂມສອນ “ຫົວໜ້າຂອງການປ່ຽນແປງໃໝ່”.
ໂດຍ: ທະນາພອນ