ຖະຫວາຍທູບທຽນອາໄລຫາ ແລະຕອບບຸນຄຸນປະທານໂຮ່ຈີມິນ
ກປ.ອອນໄລ - ຕອນເຊົ້າວັນທີ 21 ສິງຫາ, ຢູ່ເຂດປູສະນີຍະສະຖານແຫ່ງຊາດພິເສດກີມລຽນ ທີ່ຕາແສງກີມລຽນ (ເມືອງນາມດ່ານ, ແຂວງເງະອານ), ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດຫວຽດນາມ ແຂວງເງະອານ ພ້ອມກັບປະຊາຊົນທ້ອງຖິ່ນໄດ້ຈັດຕັ້ງພິທີອາໄລຫາ 50 ປີແຫ່ງວັນເຖິງແກ່ມໍລະນະກຳຂອງປະທານໂຮ່ຈີມິນ (1969 – 2019).
ເຂົ້າຮ່ວມພິທີອາໄລຫາມີຄະນະຜູ້ແທນຂອງຄະນະກຳມະການປ້ອງກັນການປະຕິວັດກູບາ ນຳໂດຍທ່ານ Carlos Rafael Miranda Martinez, ກຳມະການຄະນະບໍລິຫານງານສູນກາງພັກກອມມູນິດກູບາ, ປະທານຄະນະກຳມະການປ້ອງກັນການປະຕິວັດກູບາ.
|
|
ການນໍາແຂວງເງະອານ ຖະຫວາຍທູບທຽນອາໄລຫາປະທານໂຮ່ຈີມິນ. ພາບ: baonghean.vn. |
ພິທີອາໄລຫາ 50 ປີແຫ່ງວັນເຖິງແກ່ມໍລະນະກຳຂອງປະທານໂຮ່ຈີມິນ ໄດ້ຮັບການຈັດຕັ້ງຢ່າງເຄັ່ງຂຶມ, ປະຢັດ ແລະຖືກຕາມຮີດຄອງປະເພນີຂອງທ້ອງຖິ່ນ. ນີ້ກໍ່ແມ່ນໂອກາດເພື່ອໃຫ້ພະນັກງານ, ປະຊາຊົນບັນດາທ້ອງຖິ່ນພາຍໃນ ແລະຕ່າງແຂວງເງະອານສະແດງຄວາມຮູ້ບຸນຄຸນ, ອາໄລຫາເຖິງຄຸນງາມຄວາມດີຂອງປະທານໂຮ່ຈີມິນ.
|
|
ທ່ານ Carlos Rafael Miranda Martinez, ປະທານຄະນະກຳມະການປ້ອງກັນການປະຕິວັດກູບາ ຖະຫວາຍທູບທຽນອາໄລຫາປະທານໂຮ່ຈີມິນ. ພາບ: ແທັງເຈືອງ. |
ສະເຫຼີມສະຫຼອງວັນເຖິງແກ່ມໍລະນະກຳຂອງປະທານໂຮ່ຈີມິນ ຄົບຮອບ 50 ປີ (1969-2019), ຢູ່ວິຫານບູຊາລຸງໂຮ່ ຢູ່ຈອມພູບາວີ່ (ເມືອງບາວີ່, ນະຄອນຮ່າໂນ້ຍ), ໝູ່ຄະນະພະນັກງານ, ພາລະກອນ, ລັດຖະກອນ, ຜູ້ອອກແຮງງານປ່າສະຫງວນແຫ່ງຊາດບາວີ່ - ກົມກອງໄດ້ຮັບໜ້າທີ່ຄຸ້ມຄອງ, ປົກປັກຮັກສາກິດຈະກໍາວິຫານບູຊາລຸງໂຮ່, ພ້ອມກັບຜູ້ຕາງໜ້າການນໍາ 16 ຕາແສງຂອງເມືອງບາວີ່, ບັນດາພະສົງສໍາມະເນນ, ພຸດທະສາສະນິກກະຊົນ ແລະປະຊາຊົນນັບຫຼາຍພັນຄົນທີ່ມາຈາກທຸກແຖບຖິ່ນຂອງປະເທດຊາດໄດ້ຖະຫວາຍທູບທຽນອາໄລຫາ ແລະຕອບບຸນຄຸນປະທານໂຮ່ຈີມິນ.
ໂດຍ: ທະນາພອນ