ຮັບປະກັນຄວາມກົມກຽວໃນການພົວພັນດ້ານການຄ້າກັບບັນດາຄູ່ຮ່ວມມືສາ ກົນ
ກປ.ອອນໄລ - ວັນທີ 13 ກໍລະກົດ, ທີ່ສໍານັກງານນາຍົກລັດຖະມົນຕີ, ພາຍໃຕ້ ການເປັນປະທານຂອງທ່ານນາຍົກລັດຖະມົນຕີ ຫງວຽນຊວນຟຸກ, ຄະນະປະຈໍາລັດຖະບານ ໄດ້ຈັດກອງປະຊຸມກັບບັນດາກະຊວງ, ຂະແໜງການທີ່ກ່ຽວຂ້ອງເພື່ອປຶກສາຫາລືກ່ຽວກັບມາດຕະການຊຸກຍູ້ການຄ້າໂດຍສະເພາະແມ່ນກັບບັນດາຄູ່ຮ່ວມມືໃຫຍ່ ຄື: ອາເມລິກາ, ຈີນ, ສ.ເກົາຫຼີ, ອາຊຽນ, ຍີ່ປຸ່ນ... ໃນສະພາບການທີ່ເສດຖະກິດ, ການຄ້າຢູ່ພາກພື້ນ ແລະສາກົນ ກໍາລັງມີການຜັນແປຢ່າງສັບສົນ.
ທີ່ກອງປະຊຸມ, ຄະນະປະຈໍາລັດຖະບານ ແລະບັນດາສະມາຊິກລັດຖະບານ ໄດ້ພິຈາລະນາບົດລາຍງານຂອງບັນດາກະຊວງ, ຂະແໜງການ ເພື່ອຕີລາຄາສັງລວມການພົວພັນການຄ້າກັບບັນດາຄູ່ຮ່ວມມືໃຫຍ່ຂອງພື້ນຖານເສດຖະກິດ, ໄຈ້ແຍກບັນດາຂໍ້ຈໍາກັດ, ອ່ອນດ້ອຍທີ່ຄວນໄດ້ຮັບການແກ້ໄຂ...
    |
 |
|
ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານກອງປະຊຸມຄະນະປະຈໍາລັດຖະບານ. ພາບ: ສໍານັກຂ່າວສານຫວຽດນາມ. |
ສະຫຼຸບກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ, ໃນສະພາບການເສດຖະກິດທົ່ວໂລກ ແລະພາກພື້ນຫຼຸດລົງ, ການແກ່ງແຍ້ງດ້ານການຄ້າກໍາລັງເກີດຂຶ້ນຢ່າງສັບສົນ, ບັນດາກະຊວງ, ຂະແໜງການ ຄວນເປັນເຈົ້າການ, ມີບັນດາບາດກ້າວເດີນ, ວິທີເຮັດທີ່ແທດຈິງ, ສອດຄ່ອງເພື່ອຊຸກຍູ້ພັດທະນາການຜະລິດພາຍໃນປະເທດ, ສ້າງວຽກເຮັດງານທໍາ; ພ້ອມທັງຮັກສາເສດຖະກິດມະຫາພາກໃຫ້ມີຄວາມໝັ້ນຄົງ, ສືບຕໍ່ທ່າເຕີບໂຕ, ພັດທະນາແບບຍືນຍົງ; ໃນນັ້ນຕ້ອງເອົາໃຈໃສ່ຮັບປະກັນຄວາມກົມກຽວໃນການພົວພັນການຄ້າກັບບັນດາຄູ່ຮ່ວມມື, ໂດຍສະເພາະແມ່ນ ຄື: ອາເມລິກາ, ຈີນ, ອາຊຽນ, ຍີ່ປຸ່ນ, ສ.ເກົາຫຼີ... ບົນຫຼັກການສະເໝີພາບ ແລະຕ່າງຝ່າຍຕ່າງມີຜົນປະໂຫຍດ...
ໂດຍ: ໄຊຊະນະ