ກອງບັນຊາການທະຫານແຂວງກວ໋າງຫງາຍ ໜູນຊ່ວຍເງິນກໍ່ສ້າງໂຄງການມິດຕະພາບໃຫ້ແກ່ກອງບັນຊາການທະຫານແຂວງຈໍາປາສັກ (ລາວ)
ກປ.ອອນໄລ - ຕອນເຊົ້າວັນທີ 17 ພະຈິກ, ຢູ່ກວ໊ກໂມນ, ຫຼັກໝາຍຊາຍແດຍຫວຽດນາມ-ລາວ ເລກທີ 790, ກອງບັນຊາການທະຫານແຂວງກວ໋າງຫງາຍ ໄດ້ຈັດຕັ້ງພິທີມອບ-ຮັບງົບປະມານໜູນຊ່ວຍການກໍ່ສ້າງໂຄງການມິດຕະພາບການທະຫານປີ 2020 ໃຫ້ແກ່ກອງບັນຊາການທະຫານແຂວງຈໍາປາສັກ (ລາວ).
ເຂົ້າຮ່ວມພິທີຝ່າຍກອງບັນຊາການທະຫານແຂວງກວ໋າງຫງາຍ ມີທ່ານພັນເອກພິເສດ ຫວໍວັນບ໊າ, ຫົວໜ້າການທະຫານກອງບັນຊາການທະຫານແຂວງ. ຝ່າຍກອງບັນຊາການທະຫານແຂວງຈໍາປາສັກ ມີທ່ານພົນຈັດຕະວາ ສຸໄກ ພິມມະສານ ຫົວໜ້າການທະຫານກອງບັນຊາການທະຫານແຂວງຈໍາປາສັກ.
ທີ່ພິທີມອບ-ຮັບ, ການນໍາກອງບັນຊາການທະຫານແຂວງກວ໋າງຫງາຍ ໄດ້ມອບເງິນຈໍານວນ 1 ຕື້ດົ່ງໃຫ້ກອງບັນຊາການທະຫານແຂວງຈໍາປາສັກ ເພື່ອໜູນຊ່ວຍການກໍ່ສ້າງໂຄງການມິດຕະພາບການທະຫານປີ 2020.
|
|
ການນໍາກອງບັນຊາການທະຫານແຂວງກວ໋າງຫງາຍ ມອບເງິນຈໍານວນ 1 ຕື້ດົ່ງໃຫ້ກອງບັນຊາການທະຫານແຂວງຈໍາປາສັກ ເພື່ອໜູນຊ່ວຍການກໍ່ສ້າງໂຄງການມິດຕະພາບການທະຫານປີ 2020. ພາບ: baoquangngai.vn |
ນອກຈາກນັ້ນ, ກອງບັນຊາການທະຫານແຂວງກວ໋າງຫງາຍ ຍັງມອບອຸປະກອນການແພດ, ຢາປົວພະຍາດ, ສະບຽງອາຫານ ແລະໜູນຊ່ວຍເງິນເພື່ອສ້ອມແປງເຮືອນຊານໃຫ້ແກ່ພະນັກງານ, ປະຊາຊົນທີ່ປະສົບກັບຄວາມຫຍຸ້ງຍາກເປັນພິເສດ, ເຂດຫ່າງໄກສອກຫຼີກ, ເຂດຊາຍແດນ ແລະມອບຂອງຂວັນໃຫ້ກອງບັນຊາການທະຫານແຂວງຈໍາປາສັກ ດ້ວຍຈໍານວນເງິນເກືອບ 500 ລ້ານດົ່ງ.
ທ່ານພົນຈັດຕະວາ ສຸໄກ ພິມມະສານ ໄດ້ຕາງໜ້າພະນັກງານ, ນັກຮົບກອງບັນຊາການທະຫານແຂວງຈໍາປາສັກ ຂອບໃຈຕໍ່ອາລົມຈິດຄວາມຮັກແພງຂອງກອງບັນຊາການທະຫານແຂວງກວ໋າງຫງາຍ ທີ່ສະຫງວນໃຫ້ພະນັກງານ, ນັກຮົບກໍາລັງປະກອບອາວຸດຂອງແຂວງຈໍາປາສັກ, ນີ້ແມ່ນການສະແດງໃຫ້ເຫັນເຖິງຄວາມສາມັກຄີແບບພິເສດ, ນໍ້າໃຈມິດຕະພາບຖານສະຫາຍອ້າຍນ້ອງທີ່ໄດ້ເພີ່ມພູນຄູນສ້າງຈາກບັນດາຮຸ່ນຕ່າງໆຢ່າງມີຊີວິດຊີວາ, ແມ່ນຊັບສົມບັດອັນລໍ້າຄ່າ, ສືບຕໍ່ໄດ້ຮັບການພັດທະນາຢ່າງບໍ່ຢຸດຢັ້ງ ແລະສືບທອດໃຫ້ຄົນຮຸ່ນຫຼັງ.
ໂດຍ: ທະນາພອນ