ການພົບປະສັງສັນອະດີດທະຫານອາສາສະໝັກ ແລະຊ່ຽວຊານຫວຽດນາມ ຢູ່ ລາວ
ກປ.ອອນໄລ - ຕອນຄໍ່າວັນທີ 8 ທັນວາ, ຢູ່ນະຄອນຫຼວງວຽງຈັນ ໄດ້ດໍາເນີນການພົບປະສັງສັນຢ່າງອົບອຸ່ນສະໜິດສະໜົມຂອງນັກຮົບເກົ່າເຄີຍເປັນທະຫານອາສາສະໝັກ ແລະຊ່ຽວຊານຫວຽດນາມ ຢູ່ ລາວ ກວ່າ 500 ຄົນ.
|
|
ບັນດາອະດີດທະຫານອາສາສະໝັກ ແລະຊ່ຽວຊານຫວຽດນາມ ຢູ່ ລາວ ທີ່ການພົບປະສັງສັນ. ພາບ: vov.vn. |
ກ່າວຄຳເຫັນທີ່ການພົບປະສັງສັນ, ທ່ານພົນໂທ ທອງລອຍ ສີລິວົງ, ຫົວໜ້າກົມໃຫຍ່ການເມືອງກອງທັບປະຊາຊົນລາວ, ຮອງລັດຖະມົນຕີກະຊວງປ້ອງກັນປະເທດລາວ, ໄດ້ສະແດງຄວາມຮູ້ບຸນຄຸນຕໍ່ບັນດາການປະກອບສ່ວນ ແລະການເສຍສະຫຼະອັນໃຫຍ່ຫຼວງຂອງທະຫານອາສາສະໝັກ, ຊ່ຽວຊານຫວຽດນາມ ສຳລັບລາວ. ການຊ່ວຍເຫຼືອບໍ່ເຫັນແກ່ຕົວເອງ, ປອດໃສນັ້ນແມ່ນແຫຼ່ງກຳລັງອັນໃຫຍ່ຫຼວງຊ່ວຍໃຫ້ການປະຕິວັດລາວ ກໍ່ສ້າງກຳລັງ, ຈັດຕັ້ງການຕໍ່ສູ້ຕ້ານພວກລ່າເມືອງຂຶ້ນຈັກກະພັດສຳເລັດຜົນ, ສ້າງສາປະເທດລາວ ໃຫ້ເປັນປະເທດເອກະລາດ, ເອກະພາບ, ນັບມື້ນັບໝັ້ນຄົງເຂັ້ມແຂງ. ນັ້ນແມ່ນພະຍານຫຼັກຖານທີ່ມີຊີວິດຊີວາຂອງນ້ຳໃຈສາມັກຄີ, ມິດຕະພາບ, ສາຍພົວພັນຮ່ວມສຳພັນສູ້ຮົບຂອງສອງຊາດ, ສອງກອງທັບຫວຽດນາມ-ລາວ.
ໂດຍ: ແສງເດືອນ