ພາສີຫວຽດນາມ - ລາວ ແບ່ງປັນບົດຮຽນຕ້ານການຄ້າສັດປ່າເຖື່ອນ
ກປ.ອອນໄລ - ຕອນເຊົ້າວັນທີ 20 ພະຈິກ, ທ່ານ ມາຍຊວັນແທັງ ຮອງຫົວໜ້າກົມໃຫຍ່ພາສີຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນກົມພາສີ ແຫ່ງ ສປປ ລາວ ເນື່ອງໃນໂອກາດຄະນະມາແລກປ່ຽນບົດຮຽນກ່ຽວກັບວຽກງານຕ້ານການຄ້າສັດປ່າເຖື່ອນ.
ທີ່ການຕ້້ອນຮັບ, ທ່ານ ມາຍຊວັນແທັງ ໄດ້ສະແດງຄວາມຍິນດີຕ້ອນຮັບຄະນະຜູ້ແທນກົມພາສີລາວ ມາຢ້ຽມຢາມ ແລະເຮັດວຽກຢູ່ກົມໃຫຍ່ພາສີຫວຽດນາມ ເພື່ອພ້ອມກັບພາສີຫວຽດນາມ ປຶກສາຫາລື, ແລກປ່ຽນບົດຮຽນ, ແບ່ງປັນຂໍ້ມູນກ່ຽວກັບວຽກງານສືບສວນຕ້ານການຄ້າສັດປ່າເຖື່ອນລະຫວ່າງສອງອົງການ.
|
|
ບັນຍາກາດທີ່ການຕ້ອນຮັບ. ພາບ: haiquanonline.com.vn. |
ທ່ານ ມາຍຊວັນແທັງ ໃຫ້ຮູ້ວ່າ, ໃນໄລຍະຜ່ານມາ, ພາສີຫວຽດນາມ-ລາວ ໄດ້ຮ່ວມມືກັນເປັນຢ່າງດີໃນວຽກງານຕ້ານການຄ້າເຖື່ອນ. ພາສີຫວຽດນາມ ຍາມໃດກໍໄດ້ຮັບການສົມທົບກັນຢ່າງຕັ້ງໜ້າ, ແລກປ່ຽນຂໍ້ມູນຂ່າວສານຈາກຝ່າຍພາສີລາວ. ໃນໄລຍະຜ່ານມາ, ອົງການພາສີຂອງສອງປະເທດ ໄດ້ເພີ່ມທະວີການແລກປ່ຽນ, ຮ່ວມມືກັນຢ່າງແໜ້ນແຟ້ນໃນວຽກງານຕໍ່ສູ້ຕ້ານ ແລະສະກັດກັ້ນການຄ້າເຖື່ອນ...
ກ່າວຄໍາເຫັນທີ່ການຕ້ອນຮັບ, ທ່ານ ສົມເພັດ ສີວົງໄຊ, ຮອງຫົວໜ້າກົມພາສີລາວ ກ່າວສະແດງຄໍາຂອບໃຈຕໍ່ການຕ້ອນຮັບອັນອົບອຸ່ນຂອງກົມໃຫຍ່ພາສີຫວຽດນາມ. ທ່ານ ສົມເພັດ ສີວົງໄຊ ສະແດງຄວາມປາດຖະໜາຢາກໃນຊຸມວັນເຮັດວຽກທີ່ຈະມາເຖິງຈະໄດ້ແບ່ງປັນ, ຖອດຖອນບົດຮຽນຈາກພາສີຫວຽດນາມ ເວົ້າລວມ ແລະພິເສດໃນຂົງເຂດຕ້ານການຄ້າເຖື່ອນເວົ້າສະເພາະ.
ໂດຍ: ໄຊຊະນະ