ຊາວໜຸ່ມແຂວງຮ່າຕິ້ງ ແລະບໍລິຄໍາໄຊ ແລກປ່ຽນບົດຮຽນ, ຮັດແໜ້ນຄວາມສາມັກຄີ
ກປ.ອອນໄລ - ຕອນບ່າຍວັນທີ 24 ສິງຫາ, ໃນຂອບເຂດລາຍການອາສາສະໝັກສາກົນຢູ່ ສປປ ລາວ, ຄະນະຊາວໜຸ່ມກອມມູນິດໂຮ່ຈີມິນ ແຂວງຮ່າຕິ້ງ ໄດ້ມີການໂອ້ລົມສົນທະນາແລກປ່ຽນບົດຮຽນກັບຄະນະຊາວໜຸ່ມປະຊາຊົນປະຕິວັດລາວ ແຂວງບໍລິຄໍາໄຊ. ຕ້ອນຮັບຄະນະ, ຝ່າຍລາວມີທ່ານ ແດນປີ ມູນທະດີ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງບໍລິຄໍາໄຊ.
ທີ່ການໂອ້ລົມສົນທະນາ, ພາຍຫຼັງຮັບຟັງບັນດາຂໍ້ມູນໂດຍພື້ນຖານກ່ຽວກັບໝາກຜົນຂອງການພັດທະນາເສດຖະກິດ-ສັງຄົມ, ສະພາບການເຄື່ອນໄຫວຄະນະຊາວໜຸ່ມຂອງສອງແຂວງແລ້ວ, ສອງຝ່າຍໄດ້ພ້ອມກັນແລກປ່ຽນບັນດາຮູບແບບ, ບົດຮຽນ, ວິທີເຮັດທີ່ດີໃນວຽກງານຊາວໜຸ່ມ...
|
|
ບັນຍາກາດທີ່ການໂອ້ລົມສົນທະນາ. ພາບ: baohatinh.vn. |
ໃນນັ້ນ, ສອງຝ່າຍໄດ້ສຸມໃສ່ແລກປ່ຽນກ່ຽວກັບວຽກງານນໍາພາ, ຊີ້ນໍາ, ການປະຕິຮູບການບໍລິຫານ; ວຽກງານໂຄສະນາເຜີຍແຜ່, ກໍານົດທິດຫາງສຽງ, ສຶກສາອົບຮົມຊາວໜຸ່ມ; ບົດຮຽນໃນວຽກງານກໍ່ສ້າງຊົນນະບົດໃໝ່...
|
|
ຄະນະຊາວໜຸ່ມກອມມູນິດໂຮ່ຈີມິນ ແຂວງຮ່າຕິ້ງ ແລະຄະນະຊາວໜຸ່ມປະຊາຊົນປະຕິວັດລາວ ແຂວງບໍລິຄໍາໄຊ ມອບຂອງຂວັນgເປັນທີ່ລະນຶກ. ພາບ: baohatinh.vn. |
ສອງຝ່າຍກໍເຫັນດີເປັນເອກະພາບກັນສືບຕໍ່ໂຄສະນາ, ຮັດແໜ້ນສາຍພົວພັນທີ່ເປັນມູນເຊື້ອລະຫວ່າງປະຊາຊົນ 2 ແຂວງເວົ້າລວມ ແລະຄະນະຊາວໜຸ່ມເວົ້າສະເພາະ. ສືບຕໍ່ຈັດຕັ້ງປະຕິບັດລາຍການກວດ, ແຈກຢາຍຢາໃຫ້ແກ່ປະຊາຊົນແຂວງບໍລິຄໍາໄຊ; ຈັດສົ່ງຄູອາຈານອາສາສະໝັກໄປສອນພາສາຫວຽດນາມໃຫ້ແກ່ປະຊາຊົນ ແລະຊາວໜຸ່ມແຂວງບໍລິຄໍາໄຊ; ສ້າງເງື່ອນໄຂເພື່ອໃຫ້ບັນດາວິສາຫະກິດໜຸ່ມ 2 ແຂວງມີໂອກາດຊຸກຍູ້ການຮ່ວມມືລົງທຶນ... ຈາກນັ້ນເພີ່ມທະວີ, ຮັດແໜ້ນການພົວພັນຮ່ວມມື, ມິດຕະພາບແບບພິເສດ ແລະຮອບດ້ານລະຫວ່າງສອງປະເທດຫວຽດນາມ - ລາວ ເວົ້າລວມ, 2 ແຂວງ ຮ່າຕິ້ງ - ບໍລິຄໍາໄຊ ເວົ້າສະເພາະ.
ໂດຍ: ໄຊຊະນະ