ມອບເບ້ຍໄມ້ໃຫ້ແກ່ບ້ານແດນສະຫວັນ
ກປ.ອອນໄລ - ຕອນເຊົ້າວັນທີ 26 ມິຖຸນາ, ຜູ້ຕາງໜ້າອໍານາດການປົກຄອງບ້ານກາຕັງ, ເທດສະບານເມືອງລາວບ໋າວ, ເມືອງເຮື໊ອງຮ໊ວາ, ແຂວງກວາງຈິ ແລະຄ້າຍທະຫານຊາຍແດນດ່ານສາກົນລາວບ໋າວ, ທະຫານຊາຍແດນແຂວງກວາງຈິ ໄດ້ມອບເບ້ຍໄມ້ 10.000 ເບ້ຍ; ພ້ອມທັງແນະນໍາ, ຖ່າຍທອດເຕັກນິກໃຫ້ແກ່ບັນດາຄອບຄົວຂຶ້ນກັບບ້ານ ແດນສະຫວັນ, ເມືອງເຊໂປນ, ແຂວງສະຫວັນນະເຂດ.
ບ້ານກາຕັງ ແລະບ້ານແດນສະຫວັນ ແມ່ນຄູ່ບ້ານທໍາອິດຢູ່ເຂດຊາຍແດນ ຫວຽດນາມ-ລາວ ໄດ້ແຮກສ່ຽວບ້ານ-ບ້ານຢູ່ສອງຟາກຊາຍແດນ. ພາຍຫຼັງ 15 ປີແຫ່ງການແຮກສ່ຽວ, ກາຍເປັນອ້າຍນ້ອງໃນຄອບຄົວດຽວກັນ, ສອງບ້ານໄດ້ມີການເຄື່ອນໄຫວແທດຈິງຫຼາຍຢ່າງເພື່ອຊ່ວຍເຫຼືອເຊິ່ງກັນ ແລະກັນ ໃນການພັດທະນາເສດຖະກິດ-ສັງຄົມ, ປັບປຸງການປ້ອງກັນຊາດ-ປ້ອງກັນຄວາມສະຫງົບ.
|
|
ຜູ້ບັນຊາການຄ້າຍທະຫານຊາຍແດນດ່ານສາກົນລາວບ໋າວ ແລະອໍານາດການປົກຄອງບ້ານກາຕັງ ມອບເບ້ຍໄມ້ໃຫ້ປະຊາຊົນບ້ານແດນສະຫວັນ. ພາບ: ແມ້ງຮຸ່ງ. |
ກ່ອນໜ້ານັ້ນ, ບ້ານກາຕັງ ໄດ້ມອບໃຫ້ບ້ານແດນສະຫວັນຈັກຕັດຫຍ້າ 7 ໜ່ວຍ, ມັນຕົ້ນ KM 94 ກວ່າ 32.000 ຕົ້ນ, ແນວສາລີ 1 ໂຕນ ແລະເບ້ຍໄມ້ປະເພດຕ່າງໆນັບສິບພັນເບ້ຍ... ຜ່ານນັ້ນ, ປະກອບສ່ວນຊ່ວຍປະຊາຊົນບ້ານແດນສະຫວັນຜ່ານຜ່າຄວາມຫຍຸ້ງຍາກ, ພັດທະນາເສດຖະກິດ, ເຮັດໃຫ້ການດໍາລົງຊີວິດເປັນປົກກະຕິເທື່ອລະກ້າວ; ພ້ອມກັນນັ້ນປະກອບສ່ວນເພີ່ມພູນຄູນສ້າງນໍ້າໃຈແບບພິເສດ, ຄວາມສະໜິດຕິດພັນລະຫວ່າງສອງຊາດຫວຽດນາມ-ລາວ, ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ ແລະພັດທະນາ.
ໂດຍ: ທູຈາງ