ໂດຍແມ່ນຜູ້ນໍາທີ່ເຕີບໃຫຍ່ຈາກກອງທັບ, ທ່ານ ຈູມມະລີ ໄຊຍະສອນ ອະດີດເລຂາທິການໃຫຍ່, ປະທານປະເທດລາວ ຍາມໃດກໍ່ສະຫງວນນໍ້າໃຈຮັກແພງ, ເຄົາລົບນັບຖືໃຫ້ທ່ານ ເລດຶກແອງ, ການນໍາຜູ້ໜຶ່ງທີ່ມີຄວາມປີຊາສາມາດ, ມີໃຈດີຂອງຫວຽດນາມ, ຍາມໃດກໍ່ເອົາໃຈໃສ່ເພີ່ມພູນຄູນສ້າງນໍ້າໃຈມິດຕະພາບ ຫວຽດນາມ-ລາວ.
ຜ່ານການພົບປະ ແລະເຮັດວຽກຫຼາຍເທື່ອກັບສະຫາຍ ເລດຶກແອງ, ທ່ານ ຈູມມະລີ ໄຊຍະສອນ ຍາມໃດກໍ່ມີຄວາມປະທັບໃຈຕໍ່ຜູ້ນໍາເຮັດວຽກຢ່າງສຸດຈິດສຸດໃຈເພື່ອປະເທດຊາດ ແລະປະຊາຊົນ, ຜູ້ທີ່ອຸທິດຊີວິດຂອງຕົນໃຫ້ພາລະກິດປະຕິວັດຫວຽດນາມ. ທ່ານ ຈູມມະລີ ໄຊຍະສອນ ອະດີດເລຂາທິການໃຫຍ່, ປະທານປະເທດລາວ ຍາມໃດກໍ່ຖືບັນດາວິລະກໍາໃນພາລະກິດຕໍ່ສູ້ຕ້ານຝະລັ່ງ, ອາເມລິກາ ກູ້ຊາດຂອງສະຫາຍ ເລດຶກແອງ ແມ່ນບົດຮຽນອັນລໍ້າຄ່າໃຫ້ບັນດາການນໍາຂອງລາວຄືທ່ານ.
    |
 |
|
ທ່ານ ຈູມມະລີ ໄຊຍະສອນ ອະດີດເລຂາທິການໃຫຍ່, ປະທານປະເທດລາວ ໃຫ້ສໍາພາດຕໍ່ນັກຂ່າວ. ພາບ: vov.vn. |
ອະດີດເລຂາທິການໃຫຍ່, ປະທານປະເທດລາວ ຈູມມະລີ ໄຊຍະສອນ ບໍ່ອາດຫຼົງລືມໄດ້ການຊ່ວຍເຫຼືອຢ່າງສຸດໃຈຈາກຫວຽດນາມ ໃນຊຸມປີທີ່ປະເທດລາວປະສົບກັບຄວາມຫຍຸງຍາກ, ພິເສດແມ່ນໃນດ້ານການທະຫານເມື່ອພົນເອກ ເລດຶກແອງ ເປັນລັດຖະມົນຕີກະຊວງປ້ອງກັນປະເທດຫວຽດນາມ.
ທ່ານ ຈູມມະລີ ໄຊຍະສອນ ຫວນຄືນວ່າ “ໃນໄລຍະສະຫາຍ ເລດຶກແອງ ເປັນລັດຖະມົນຕີກະຊວງປ້ອງກັນປະເທດຫວຽດນາມ, ນີ້ແມ່ນໄລຍະກໍ່ສ້າງກໍາລັງ, ເຖິງວ່າປະເທດໄດ້ມີສັນຕິພາບແລ້ວກໍ່ຕາມ, ແຕ່ສະຫາຍຍາມໃດກໍ່ເອົາໃຈໃສ່ຢາກເຮັດໃຫ້ສາຍພົວພັນລະຫວ່າງກອງທັບສອງປະເທດນັບມື້ນັບໝັ້ນແກ່ນ, ຊ່ວຍເຫຼືອເພື່ອໃຫ້ກອງທັບລາວ ນັບມື້ນັບເຕີຍໃຫຍ່ເຂັ້ມແຂງ, ຜ່ານການໜູນຊ່ວຍເຄື່ອງອຸປະກອນ, ຈັດສົ່ງນັກຊ່ຽວຊານມາຊ່ວຍເຫຼືອກອງທັບລາວ. ສະຫາຍຍາມໃດກໍ່ເບິ່ງແຍງດູແລ, ປາດຖະໜາຢາກເຮັດໃຫ້ສາຍພົວພັນສອງປະເທດ ຫວຽດນາມ-ລາວ ພັດທະນາຂຶ້ນສູ່ລະດັບສູງໃໝ່ຢ່າງບໍ່ຢຸດຢ້ັງ.
ໃນຄວາມຊົງຈຳຂອງທ່ານ ຈູມມະລີ ໄຊຍະສອນ, ທ່ານ ເລດຶກແອງ ແມ່ນການນໍາທີ່ໄດ້ອຸທິດຊີວິດຂອງຕົນເພື່ອປະເທດຊາດ, ເພື່ອປະຊາຊົນຫວຽດນາມ ແລະຍາມໃດກໍ່ມີຄວາມຮອບຄອບຖີ່ຖ້ວນ, ສຸດຈິດສຸດໃຈກັບເພື່ອນມິດ, ສະຫາຍ. ເມື່ອຢ້ຽມຢາມສັນຖະວະໄມຕີລາວ ຢ່າງເປັນທາງການໃນປີ 1993, ເຖິງວ່າລາຍການເຮັດວຽກເຕັມກໍ່ຕາມ, ແຕ່ສະຫາຍ ເລດຶກແອງ ຍັງສະຫງວນເວລາໄປຢາມເຮືອນສ່ວນຕົວ, ຢ້ຽມຢາມຖາມຂ່າວປະທານ ສຸພານຸວົງ ແລະພັນລະຍາ.
|
|
 |
|
ທ່ານ ເລດຶກແອງ ອະດີດປະທານປະເທດ ແລະພັນບະຍາ ໄປຢ້ຽມຢາມຖາມຂ່າວປະທານ ສຸພານຸວົງ ແລະພັນລະຍາ ຢູ່ເຮືອນສ່ວນຕົວໃນປີ 1993. ພາບ: ສໍານັກຂ່າວສານຫວຽດນາມ. |
ທ່ານ ຈູມມະລີ ໄຊຍະສອນ ຫວນຄືນວ່າ: “ເມື່ອຂ້າພະເຈົ້າພວມດຳລົງຕຳແໜ່ງເປັນເລຂາທິການໃຫຍ່, ເນື່ອງໃນໂອກາດຢ້ຽມຢາມສັນຖະວະໄມຕີຫວຽດນາມ ຢ່າງເປັນທາງການ, ຂ້າພະເຈົ້າ ໄດ້ມີໂອກາດຢ້ຽມຢາມຖາມຂ່າວສະຫາຍ ເລດຶກແອງ ເທື່ອໜຶ່ງ. ຂ້າພະເຈົ້າ ຍັງຈື່ວ່າເວລານັ້ນສະຫາຍ ເລດຶກແອງ ຖືກເຈັບໜັກ. ເຖິງວ່າອາຍຸສູງ, ເຈັບເປັນກໍ່ຕາມ, ແຕ່ເມື່ອຂ້າພະເຈົ້າຂໍລາ, ສະຫາຍຍັງພະຍາຍາມສົ່ງຂ້າພະເຈົ້າໄປຮອດປະຕູຢູ່! ເປັນໜ້າຕື້ນຕັນໃຈແທ້ໆ.
ໂດຍ: ທູຈາງ