ເມືອງກີ່ເຊີນ ຈັດກອງປະຊຸມແລກປ່ຽນວຽກງານ ກັບບັນດາເມືອງທີ່ມີເສັ້ນຊາຍແດນຕິດຈອດກັນຂອງປະເທດລາວ
ກປ.ອອນໄລ - ຢູ່ແຂວງຊຽງຂວາງ, ຄະນະປະຕິບັດງານເມືອງກີ່ເຊີນ (ແຂວງເງະອານ, ຫວຽດນາມ) ນໍາໂດຍສະຫາຍ ວີແຮ່ວ ເລຂາພັກເມືອງ, ປະທານສະພາປະຊາຊົນເມືອງກີ່ເຊີນ ຫາກໍ່ເຂົ້າຮ່ວມກອງປະຊຸມແລກປ່ຽນວຽກງານ ທ້າຍປີ 2022 ກັບບັນດາເມືອງໜອງແຮດ, ເມືອງໝອກໃໝ່, ເມືອງຄໍາ - ແຂວງຊຽງຂວາງ; ເມືອງກອັນ - ແຂວງຫົວພັນ; ກຸ່ມພາສີດ່ານສາກົນນໍ້າກັ່ນ ແລະອວຍພອນເນື່ອງໃນໂອກາດສະເຫຼີມສະຫຼອງ 47 ປີແຫ່ງວັນຊາດ ສປປ ລາວ (2-12-1975 / 2-12-2022).
|
|
ສະຫາຍ ວີແຮ່ວ ກ່າວຄໍາເຫັນທີ່ກອງປະຊຸມແລກປ່ຽນວຽກງານກັບບັນດາເມືອງທີ່ມີເສັ້ນທາງຊາຍແດນຕິດຈອດກັນ ຂອງປະເທດລາວ. ພາບ: ຮວ່ຽນທື. |
ກອງປະຊຸມດໍາເນີນໃນບັນຍາກາດເບີກບານມ່ວນຊື່ນ, ເປີດອົກເປີດໃຈ, ກົງໄປກົງມາ, ສາມັກຄີ, ຮ່ວມມືມິດຕະພາບແບບພິເສດ. ບັນດາຝ່າຍເຂົ້າຮ່ວມກອງປະຊຸມສືບຕໍ່ຢັ້ງຢືນມູນເຊື້ອຮ່ວມມືມິດຕະພາບແບບພິເສດ ຫວຽດນາມ-ລາວ ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ, ອາລົມຈິດທີ່ຈິງໃຈ, ຖານສະຫາຍ, ປະຊາຊົນຂອງອົງຄະນະພັກ, ອໍານາດການປົກຄອງ ແລະປະຊາຊົນເມືອງກີ່ເຊີນ ກັບອົງຄະນະພັກ, ອໍານາດການປົກຄອງ ແລະປະຊາຊົນບັນດາເມືອງແຮກສ່ຽວ, ບັນດາເມືອງທີ່ມີເສັ້ນທາງຊາຍແດນຕິດຈອດກັນ ແລະກຸ່ມພາສີ ດ່ານສາກົນນໍ້າກັ່ນ, ລາວ.
ສິ້ນສຸດກອງປະຊຸມ, ເມືອງກີ່ເຊີນ ແລະບັນດາເມືອງທີ່ມີເສັ້ນທາງຊາຍແດນຕິດຈອດກັນ ແລະກຸ່ມພາສີດ່ານສາກົນນໍ້າກັ່ນ, ລາວ ໄດ້ເຫັນດີເປັນເອກະພາບລົງນາມໃນບົດບັນທຶກຊ່ວຍຈໍາບັນດາເນື້ອໃນແລກປ່ຽນວຽກງານ, ເຫັນດີເປັນເອກະພາບຕໍ່ເວລາທີ່ດຳເນີນກອງປະຊຸມແລກປ່ຽນວຽກງານ 6 ເດືອນຕົ້ນປີ 2023 ຢູ່ເມືອງກີ່ເຊີນ.
ໂດຍ: ຈາງຫງວຽນ