ພິທີປິດຊຸດຝຶກອົບຮົມວຽກງານຫໍສະໝຸດໃຫ້ຫໍສະໝຸດກອງທັບປະຊາຊົນລາວ
ກປ.ອອນໄລ - ຕອນບ່າຍວັນທີ 30 ກັນຍາ, ຢູ່ຮ່າໂນ້ຍ, ຫໍສະໝຸດກອງທັບ ໄດ້ຈັດພິທີປິດຊຸດຝຶກອົບຮົມວຽກງານຫໍສະໝຸດໃຫ້ແກ່ພະນັກງານຫໍສະໝຸດກອງທັບປະຊາຊົນລາວ ປີ 2022.
ໃນໄລຍະ 15 ວັນ, ບັນດານັກສໍາມະນາກອນຫໍສະໝຸດກອງທັບປະຊາຊົນລາວ ໄດ້ຮັບເອົາບັນດາບົດຮຽນ ແລະເນື້ອໃນວຽກງານຫໍສະໝຸດ ໃນກອງທັບປະຊາຊົນຫວຽດນາມ ຈາກຖັນແຖວຄູອາຈານ, ພະນັກງານຫໍສະໝຸດທີ່ມີປະສົບການຫຼາຍຂອງຫໍສະໝຸດກອງທັບປະຊາຊົນຫວຽດນາມ; ໄດ້ຮັບແນະນໍາກ່ຽວກັບວຽກງານພັດທະນາຊັບພະຍາກອນຂໍ້ມູນຂ່າວສານ, ລາຍການເອກະສານຕາມມາດຕະຖານສາກົນກ່ຽວກັບຫໍສະໝຸດ, ວຽກງານຮັບໃຊ້ຜູ້ອ່ານ, ການໂຄສະນາແນະນຳປື້ມ ແລະໜັງສືພິມ,...
    |
 |
|
ຜູ້ຕາງໜ້າຄະນະຈັດຕັ້ງຊຸດຝຶກອົບຮົມມອບຂອງຂວັນໃຫ້ແກ່ນັກສໍາມະນາກອນ. ພາບ: qdnd.vn |
ກ່າວຄຳເຫັນທີ່ພິທີປິດ, ສະຫາຍນາງພັນເອກ ມາກຖຸ່ຍເຢືອງ, ອໍານວຍການຫໍສະໝຸດກອງທັບ ເນັ້ນໜັກວ່າ: “ຊຸດຝຶກອົບຮົມໄດ້ປະຕິບັດສໍາເລັດເປົ້າໝາຍທີ່ວາງອອກແມ່ນບໍາລຸງຄວາມຮູ້ພື້ນຖານກ່ຽວກັບວຽກງານຫໍສະໝຸດ, ຊ່ວຍພະນັກງານຫໍສະໝຸດກອງທັບປະຊາຊົນລາວ ຍົກສູງລະດັບວິຊາຊີບ, ວິຊາການ”.
ພະນັກງານຫໍສະໝຸດກອງທັບປະຊາຊົນລາວ ຂອບໃຈຄວາມເອົາໃຈໃສ່ຂອງກົມໃຫຍ່ການເມືອງກອງທັບປະຊາຊົນຫວຽດນາມ, ຫໍສະໝຸດກອງທັບ ໄດ້ສ້າງເງື່ອນໄຂ ເພື່ອຍົກສູງລະດັບວິຊາຊີບ, ວິຊາການຮັບໃຊ້ຄວາມຕ້ອງການດ້ານວັດທະນະທໍາອ່ານຂອງພະນັກງານ, ນັກຮົບ ແລະປະຊາຊົນລາວ ໃຫ້ນັບມື້ນັບດີກວ່າ.
ໂດຍ: ທະນາພອນ