ແຂວງກວາງຈີ້: ມອບຂອງຂວັນໃຫ້ປະຊາຊົນຢູ່ຄູ່ບ້ານແຮກສ່ຽວ
ກປ.ອອນໄລ - ຕອນເຊົ້າວັນທີ 7 ສິງຫາ, ຄ້າຍທະຫານຊາຍແດນບານາງ, ກອງບັນຊາການທະຫານຊາຍແດນແຂວງກວາງຈີ້ ສົມທົບກັບສະມາຄົມອະດີດປະຕິບັດວຽກງານຄະນະຊາວໜຸ່ມ ຕາແສງດົງເລ້, ນະຄອນດົງຮ່າ, ແຂວງກວາງຈີ້ ໄດ້ຈັດຕັ້ງພິທີມອບຂອງຂວັນໃຫ້ປະຊາຊົນບ້ານຊາເຈີ່ມ (ຕາແສງບານາງ, ເມືອງດັກຣົງ, ແຂວງກວາງຈີ້, ຫວຽດນາມ) ແລະບ້ານອາຊອກ (ກຸ່ມບ້ານ III, ເມືອງສະໝ້ວຍ, ແຂວງສາລະວັນ, ລາວ).
ນີ້ແມ່ນການເຄື່ອນໄຫວທີ່ແທດຈິງ ເພື່ອແນໃສ່ສະເຫຼີມສະຫຼອງ 15 ປີແຫ່ງວັນແຮກສ່ຽວລະຫວ່າງສອງບ້ານ, ປະກອບສ່ວນແບ່ງປັນຄວາມຫຍຸ້ງຍາກກັບປະຊາຊົນຢູ່ເຂດຕິດກັບຊາຍແດນ, ຮັດແໜ້ນຄວາມສາມັກຄີມິດຕະພາບແບບພິເສດຫວຽດນາມ-ລາວ.
|
|
ຜູ້ຕາງໜ້າຄ້າຍທະຫານຊາຍແດນບານາງ ແລະສະມາຄົມອະດີດປະຕິບັດວຽກງານຄະນະຊາວໜຸ່ມ ເມືອງດົງເລ້, ນະຄອນດົງຮ່າ, ແຂວງກວາງຈີ້ ມອບຂອງຂວັນໃຫ້ປະຊາຊົນບ້ານຊາເຈີ່ມ ແລະບ້ານອາຊອກ. ພາບ: ເຟືອກຈຸງ. |
ກ່າວຄໍາເຫັນທີ່ພິທີມອບຂວງຂວັນ, ທ່ານ ໂຮ່ວັນແທງ ຮອງຫົວໜ້າກຸ່ມບ້ານ III, ເມືອງສະໝ້ວຍ, ແຂວງສາລະວັນ, ປະເທດລາວ ໃຫ້ຮູ້ວ່າ “ນັບແຕ່ດົນນານມາແລ້ວ ປະຊາຊົນສອງບ້ານໄດ້ມີການພົວພັນສະໜິດຕິດພັນ, ຍາມໃດກໍ່ຮັກແພງອຸ້ມຊູຊ່ວຍເຫຼືອ ເຊິ່ງກັນແລະກັນ. ພິເສດ, ພາຍຫຼັງພິທີແຮກສ່ຽວ, ນໍ້າໃຈຂອງປະຊາຊົນສອງບ້ານ ໄດ້ສະແດງອອກຢ່າງເລິກເຊິ່ງ ແລະຮອບດ້ານກວ່າອີກ. ບັນດາຂອງຂວັນທີ່ພວກຂ້າພະເຈົ້າໄດ້ຮັບໃນມືນີ້ ແມ່ນພະຍານຫຼັກຖານທີ່ມີຊີວິດຊີວາແຫ່ງຄວາມສາມັກຄີຖານອ້າຍນ້ອງ ຫວຽດນາມ-ລາວ ຍາມໃດກໍ່ແບ່ງປັນຄວາມທຸກຄວາມສຸກນຳກັນ. ພວກຂ້າພະເຈົ້າໝັ້ນໝາຍຈະຮັກສາຄວາມສາມັກຄີລະຫວ່າງປະຊາຊົນສອງຟາກຊາຍແດນກວ່າອີກ; ສົມທົບກັນຢ່າງແໜ້ນແຟ້ນກັບບັນດາກໍາລັງທີ່ກ່ຽວຂ້ອງຂອງສອງຝ່າຍ ເພື່ອປະກອບສ່ວນສ້າງຊາຍແດນ ໃຫ້ສັນຕິພາບ, ມິດຕະພາບ, ຮ່ວມມື ແລະພັດທະນາ.
ໂດຍ: ຈາງຫງວຽນ