ການພົບປະແລກປ່ຽນວັດທະນະທໍາ ຫວຽດນາມ-ລາວ ຢູ່ຝຣັ່ງ
ກປ.ອອນໄລ - ວັນທີ 25 ມິຖຸນາ, ຢູ່ນະຄອນຫຼວງປາຣີ, ປະເທດຝຣັ່ງ, ສະຖານທູດຫວຽດນາມ ແລະສະຖານທູດລາວ ປະຈໍາ ຝຣັ່ງ ໄດ້ຈັດຕັ້ງການພົບປະແລກປ່ຽນວັດທະນະທໍາມຸ່ງໄປເຖິງການສະເຫຼີມສະຫຼອງ 45 ປີ ແຫ່ງວັນເຊັນສົນທິສັນຍາມິດຕະພາບ ແລະສາມັກຄີຫວຽດນາມ-ລາວ (18-7-1977/18-7-2022).
|
|
ທ່ານ ດິງຕວ່ານຖັ໊ງ ເອກອັກຄະລັດຖະທູດຫວຽດນາມ ປະຈໍາ ຝຣັ່ງ ກ່າວຄໍາເຫັນທີ່ເຫດການ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ເຫດການ, ທ່ານ ດິງຕວ່ານຖັ໊ງ ເອກອັກຄະລັດຖະທູດຫວຽດນາມ ປະຈໍາ ຝຣັ່ງ ໃຫ້ຮູ້ວ່າ ການພົບປະແລກປ່ຽນແມ່ນໜຶ່ງໃນບັນດາກິດຈະກໍາສະເຫຼີມສະຫຼອງປີສາມັກຄີມິດຕະພາບຫວຽດນາມ-ລາວ 2022, ແມ່ນເຫດການສໍາຄັນ ເພື່ອໃຫ້ສອງປະເທດປັບປຸງ ແລະພັດທະນາສາຍພົວພັນມິດຕະພາບແບບພິເສດ, ຫວນຄືນປະຫວັດສາດ ແລະພ້ອມກັນມຸ່ງໄປເຖິງອະນາຄົດ.
ສ່ວນທ່ານ ຄໍາອິນ ຄິດຈະເດດ ເອກອັກຄະລັດຖະທູດລາວ ປະຈໍາ ຝຣັ່ງ ຖືວ່າ ນີ້ແມ່ນໂອກາດເພື່ອໃຫ້ສອງປະເທດ ຫວນຄືນປະຫວັດສາດອັນອົງອາດກ້າຫານ ເຊິ່ງໄດ້ສ້າງຂຶ້ນຈາກລຸ້ນພໍ່ລຸ້ນອ້າຍໄດ້ພ້ອມກັນສາມັກຄີ ຄຽງບ່າຄຽງໄຫຼ່ໃນພາລະກໍາຕໍ່ສູ້ຕ້ານສັດຕູຮຸກຮານ, ປົດປ່ອຍປະເທດຊາດ.
|
|
ລາຍການສະແດງສິລະປະຂອງຄະນະນັກສິລະປິນລາວ. ພາບ: ສໍານັກຂ່າວສານຫວຽດນາມ. |
ໃນຂອບເຂດການພົບປະແລກປ່ຽນ ຍັງດໍາເນີນການແຂ່ງຂັນກິລາມິດຕະພາບ, ແນະນຳອາຫານການກິນຂອງລາວ ແລະຫວຽດນາມ, ສະແດງສິລະປະເຊີດຊູປະເທດຊາດ, ຊາວຫວຽດນາມ ແລະລາວ, ເຊີດຊູນໍ້າໃຈສາມັກຄີມິດຕະພາບລະຫວ່າງປະຊາຊົນສອງປະເທດ.
ໂດຍ: ທູຈາງ