ທະຫານເຂດ 4 ມອບອຸປະກອນການແພດໃຫ້ແກ່ກອງທັບປະຊາຊົນລາວ ເພື່ອປ້ອງກັນ, ຕ້ານພະຍາດໂຄວິດ-19
ກປ.ອອນໄລ - ວັນທີ 13 ພຶດສະພາ, ຢູ່ດ່ານສາກົນເກົ່າແຈວ (ແຂວງຮ່າຕິ້ງ), ຄະນະປະຕິບັດງານຂອງກອງບັນຊາການທະຫານເຂດ 4 ນໍາໂດຍທ່ານພົນຈັດຕະວາ ຮ່າເຕິນຕ໊ຽນ ຮອງຜູ້ບັນຊາການທະຫານເຂດ 4 ໄດ້ມອບອຸປະກອນການແພດເພື່ອໜູນຊ່ວຍກອງທັບປະຊາຊົນລາວ ປ້ອງກັນ ແລະຕ້ານພະຍາດໂຄວິດ-19.
ຕາມນັ້ນແລ້ວ, ເຄື່ອງຊ່ວຍເຫຼືອໃນຄັ້ງນີ້ລວມມີ: ສານເຄມີ Chlorine Nippon 70% 825 ກິໂລກຼາມ; ຊຸດປ້ອງກັນໂຄວິດ-19 ຈຳນວນ 600 ຊຸດ; ຜ້າອັດປາກ-ອັດດັງ 102.000 ອັນ; ເຄື່ອງແທກອຸນຫະພູມຮ່າງກາຍ 300 ອັນ; ນໍ້າຢາລ້າງມື 500ml ຈຳນວນ 3.000 ຂວດ ແລະເງິນສົດ 1 ຕື້ດົ່ງ, ລວມມູນຄ່າທັງໝົດແມ່ນ 2 ຕື້ດົ່ງ.
|
|
ຄະນະປະຕິບັດງານທະຫານເຂດ 4 ມອບອຸປະກອນການແພດໃຫ້ກອງທັບປະຊາຊົນລາວ. ພາບ: nhandan.com.vn. |
ຕາງໜ້າກອງທັບປະຊາຊົນລາວ, ທ່ານພົນຕີ ວໍລະສານ ວິລັດດາວົງ ຮອງຫົວໜ້າກົມໃຫຍ່ການເມືອງກອງທັບປະຊາຊົນລາວ ເປັນຜູ້ກ່າວຮັບ; ພ້ອມທັງຝາກຄໍາຂອບໃຈຢ່າງເລິກເຊິ່ງຕໍ່ຄວາມເອົາໃຈໃສ່, ໜູນຊ່ວຍຂອງກອງບັນຊາການທະຫານເຂດ 4.
ໃນໄລຍະຜ່ານມາ, ເຖິງວ່າຕ້ອງລະດົມທຸກແຫຼ່ງກໍາລັງເພື່ອປ້ອງກັນ, ຕ້ານພະຍາດໂຄວິດ-19 ທີ່ພວມຜັນແປຢ່າງສັບສົນໃນບໍລິເວນທະຫານເຂດກໍ່ຕາມ, ແຕ່ກອງບັນຊາການທະຫານເຂດ 4 ຍັງສະຫງວນເງິນ ແລະອຸປະກອນການແພດຈໍານວນໜຶ່ງເພື່ອໜູນຊ່ວຍກອງທັບປະຊາຊົນລາວ ປ້ອງກັນ, ຕ້ານພະຍາດໂຄວິດ-19.
ໂດຍ: ເຈິ່ນຮວ່ຽນ