ປະຊາຄົມຊາວຫວຽດນາມ ອາໄສຢູ່ລາວ ຕ້ອນຮັບບຸນວັນເພັງເດືອນຈຽງ ພາວະນາຂໍໃຫ້ປະເທດຊາດ ແລະປະຊາຊົນມີຄວາມສະຫງົບສຸກ
ກປ.ອອນໄລ - ຕອນເຊົ້າວັນທີ 26 ກຸມພາ, ຢູ່ວັດເຟິດຕິກ, ນະຄອນຫຼວງວຽງຈັນ ໄດ້ດໍາເນີນພິທີພາວະນາຂໍໃຫ້ປະເທດຊາດ ແລະປະຊາຊົນມີຄວາມສະຫງົບສຸກ. ພຸດທະສາສະນິກະຊົນ ພ້ອມກັບຊາວຫວຽດນາມທີ່ພວມດຳລົງຊີວິດຢູ່ລາວ ໄດ້ເຂົ້າຮ່ວມພິທີດັ່ງກ່າວເປັນຈໍານວນຫຼວງຫຼາຍ.
|
|
ພໍ່ແມ່ປະຊາຊົນ ແລະພຸດທະສາສະນິກະຊົນ ສູດມົນພາວະນາຂໍໃຫ້ປະເທດຊາດ ແລະປະຊາຊົນມີຄວາມສະຫງົບສຸກ. ສໍານັກຂ່າວສານຫວຽດນາມ. |
ພາຍໃຕ້ການແນະນໍາຂອງພະອາຈານໃຫຍ່ ທິກມິງກວາງ ຫົວໜ້າຄະນະປະສານງານການຮ່ວມມືດ້ານພຸດທະສາສະໜາຫວຽດນາມ-ລາວ, ເຈົ້າອາວາດວັດເຟິດຕິກ, ບັນດາພະສົງ, ສຳມະເນນ, ພຸດທະສາສະນິກະຊົນ ໄດ້ປະຕິບັດພິທີພາວະນາຂໍໃຫ້ປະເທດຊາດ ແລະປະຊາຊົນມີຄວາມສະຫງົບສຸກດ້ວຍຄວາມຫວັງກ້າວເຂົ້າສູ່ປີໃໝ່ປີສະຫຼູ 2021, ໝົດທຸກຄົນຈົ່ງປະສົບແຕ່ສິ່ງໂຊກດີ, ມີສຸຂະພາບແຂງແຮງ, ປະຊາຊົນມີຊີວິດທີ່ອີ່ມໜຳສຳລານ, ວັດທະນາຖາວອນ ແລະໂລກລະບາດຫາຍໄປ.
ໃນໂອກາດນີ້, ໂດຍຜ່ານວັດເຟິດຕິກ, ບັນດາຜູ້ໃຈບຸນໃຈກຸສົນໄດ້ມອບຂອງຂວັນ 150 ພູດໃຫ້ແກ່ຊາວຫວຽດນາມ ອາໄສຢູ່ນະຄອນຫຼວງວຽງຈັນ ທີ່ປະສົບກັບຄວາມຫຍຸ້ງຍາກໃນການດໍາລົງຊີວິດ.
ໂດຍ: ທູຈາງ