ເພີ່ມພູນຄູນສ້າງສາຍພົວພັນສາມັກຄີແບບພິເສດຫວຽດນາມ-ລາວ
ກປ.ອອນໄລ - ວັນທີ 2 ກຸມພາ, ທ່ານ ທອງລຸນ ສີສຸລິດ ເລຂາທິການໃຫຍ່, ນາຍົກລັດຖະມົນຕີລາວ ໄດ້ສົນທະນາທາງໂທລະສັບກັບທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ.
ທີ່ການສົນທະນາທາງໂທລະສັບ, ທ່ານ ທອງລຸນ ສີສຸລິດ ສະແດງຄວາມຊົມເຊີຍຕໍ່ພັກກອມມູນິດຫວຽດນາມ ທີ່ໄດ້ຈັດຕັ້ງກອງປະຊຸມໃຫຍ່ຜູ້ແທນທ່ົວປະເທດ ຄັ້ງທີ XIII ປະສົບຜົນສໍາເລັດ; ສະແດງຄວາມຍິນດີຕໍ່ສະຫາຍ ຫງວຽນຝູຈ້ອງ ທີ່ໄດ້ຮັບການເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ອີກສະໄໝໜຶ່ງ; ທ່ານກໍ່ໄດ້ຕີລາຄາສູງຕໍ່ບົດບາດ, ຄຸນງາມຄວາມດີປະກອບສ່ວນ ແລະຊື່ສຽງຂອງສະຫາຍ ຫງວຽນຝູຈ້ອງ ທີ່ມີຕໍ່ພາລະກິດສ້າງສາ ແລະປົກປັກຮັກສາປະເທດຊາດ ແລະສາຍພົວພັນສາມັກຄີແບບພິເສດລະຫວ່າງລາວ-ຫວຽດນາມ; ທ່ານ ທອງລຸນ ສີສຸລິດ ເຊື່ອໝັ້ນວ່າ ພາຍໃຕ້ການນຳພາຂອງພັກກອມມູນິດຫວຽດນາມ ໂດຍສະຫາຍ ຫງວຽນຝູຈ້ອງ ເປັນຜູ້ນໍາ, ປະຊາຊົນຫວຽດນາມ ຈະສືບຕໍ່ຍາດໄດ້ຜົນງານໃໝ່ ແລະໃຫຍ່ຫຼວງກວ່າເກົ່າໃນກິດຈະການປ່ຽນແປງໃໝ່, ສ້າງສາ ແລະປົກປັກຮັກສາປະເທດຊາດ, ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XIII ຂອງພັກຢ່າງມີໄຊ, ສ້າງສາປະເທດຫວຽດນາມ ໃຫ້ກາຍເປັນປະເທດເຂັ້ມແຂງ, ຈະເລີນຮຸ່ງເຮືອງ ແລະວັດທະນາຖາວອນໃນກາງສະຕະວັດທີ XXI.
|
|
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ສົນທະນາທາງໂທລະສັບກັບທ່ານ ທອງລຸນ ສີສຸລິດ ເລຂາທິການໃຫຍ່, ນາຍົກລັດຖະມົນຕີລາວ. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນຝູຈ້ອງ ແລະທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍຕໍ່ສາຍພົວພັນສາມັກຄີແບບພິເສດ ຫວຽດນາມ-ລາວ ທີ່ນັບມື້ນັບພັດທະນາຢ່າງເລິກເຊິ່ງ, ກວ້າງຂວາງ, ນໍາມາເຊິ່ງຜົນປະໂຫຍດຢ່າງແທດຈິງໃຫ້ແກ່ປະຊາຊົນສອງປະເທດ. ການນໍາສອງທ່ານເນັ້ນໜັກເຖິງປີ 2021 ແມ່ນປີທໍາອິດທີ່ປະຕິບັດມະຕິກອງປະຊຸມໃຫຍ່ຂອງແຕ່ລະພັກ, ສອງຝ່າຍຄວນຕັດສິນໃຈຮ່ວມແຮງຮ່ວມໃຈ, ເປັນຈິດໜຶ່ງໃຈດຽວ, ຄຽງບ່າຄຽງໄຫຼ່ນຳກັນຜ່ານຜ່າຄວາມຫຍຸ້ງຍາກ, ສິ່ງທ້າທາຍເພື່ອຜັນຂະຫຍາຍປະຕິບັດມະຕິກອງປະຊຸມໃຫຍ່ຂອງແຕ່ລະພັກ ແລະສົມທົບກັນຜັນຂະຫຍາຍປະຕິບັດຂໍ້ຕົກລົງລະຫວ່າງການນໍາສອງພັກ, ສອງລັດຢ່າງມີປະສິດທິຜົນ ແລະແທດຈິງກວ່າອີກ...
ໂດຍ: ທູຈາງ