ໜູນຊ່ວຍວັດຖຸໃຫ້ແກ່ກໍາລັງປົກປັກຮັກສາຊາຍແດນຂອງປະເທດລາວ
ກປ.ອອນໄລ - ວັນທີ 14 ກັນຍາ, ທີ່ເຂດຫຼັກໝາຍຊາຍແດນທີ 400, ຢູ່ເຂດຊາຍແດນຫວຽດນາມ-ລາວ, ຄ້າຍທະຫານຊາຍແດນນາລອຍ, ກອງບັນຊາການທະຫານຊາຍແດນແຂວງເງະອານ ໄດ້ສົມທົບກັບອໍານາດການປົກຄອງທ້ອງຖິ່ນຕາແສງນາລອຍ, ເມືອງກີ່ເຊີນ ໄດ້ຈັດລາຍການມອບຂອງຂວັນໜູນຊ່ວຍໃຫ້ແກ່ໝວດທະຫານຊາຍແດນບ້ານຫ້ວຍລົມ ທີ່ຂຶ້ນກັບກອງຮ້ອຍຊາຍແດນ 223, ກອງບັນຊາການທະຫານແຂວງຊຽງຂວາງ, ລາວ.
ຂອງຂວັນດັ່ງກ່າວລວມມີ: ເຂົ້າສານ, ໝີ່ສຳເລັດຮູບ, ອາຫານແຫ້ງ, ນໍ້າດື່ມ, ນ້ຳຢາລ້າງມືຂ້າເຊື້ອ, ຜ້າອັດປາກ-ອັດດັງ... ດ້ວຍຈໍານວນເງິນທັງໝົດແມ່ນ 8 ລ້ານດົ່ງ.
    |
 |
|
ຜູ້ຕາງໜ້າຄ້າຍທະຫານຊາຍແດນນາລອຍ ມອບຂອງຂວັນໃຫ້ແກ່ຜູ້ຕາງໜ້າກອງຮ້ອຍຊາຍແດນ 223. ພາບ: www.bienphong.com.vn. |
ທີ່ລາຍການມອບຂອງຂວັນ, ຜູ້ຕາງໜ້າສອງຝ່າຍໄດ້ແລກປ່ຽນສະພາບການກ່ຽວກັບວຽກງານປົກປັກຮັກສາອະທິປະໄຕ, ຄວາມໝັ້ນຄົງຢູ່ເຂດຊາຍແດນ; ການປ້ອງກັນ, ຕ້ານພະຍາດໂຄວິດ-19. ສອງຝ່າຍເຫັນດີເປັນເອກະພາບນໍາກັນແລກປ່ຽນຂໍ້ມູນຂ່າວສານ, ຕິດຕໍ່, ກໍາແໜ້ນສະພາບການທີ່ກ່ຽວຂ້ອງ, ເພີ່ມທະວີການເຄື່ອນໄຫວລາດຕະເວນ, ຄວບຄຸມສອງຟາກຊາຍແດນ, ສົມທົບກັນຕໍ່ສູ້, ສະກັດກັ້ນບັນດາການເຄື່ອນໄຫວເຂົ້າ-ອອກເມືອງຢ່າງຜິດກົດໝາຍ, ປະກອບສ່ວນຍົກສູງປະສິດທິຜົນໃນວຽກງານປ້ອງກັນຕ້ານພະຍາດໂຄວິດ-19, ປ້ອງກັນຄວາມສະຫງົບສຸກຢູ່ເຂດຊາຍແດນຫວຽດນາມ-ລາວ.
ໃນໂອກາດນີ້, ການນໍາຕາແສງນາລອຍ ໄດ້ລົງຢ້ຽມຢາມ ແລະມອບຂອງຂວັນໃຫ້ແກ່ດ່ານສະກັດກັ້ນພະຍາດໂຄວິດ-19 ທີ່ຂຶ້ນກັບຄ້າຍທະຫານຊາຍແດນນາລອຍ.
ໂດຍ: ທູຈາງ