ບໍລິສັດຂອງຫວຽດນາມ ເຂົ້າຮ່ວມການພັດທະນາໄຟຟ້າແສງຕາເວັນຢູ່ລາວ
ກປ.ອອນໄລ -ໜັງສືພິມ Vientiane Times ສະບັບອອກວັນທີ 3 ກັນຍາ ໄດ້ໃຫ້ຂ່າວວ່າ ມີບໍລິສັດ 3 ແຫ່ງໃນນັ້ນມີຂອງຫວຽດນາມ 1 ແຫ່ງໄດ້ຕົກລົງພ້ອມກັນພັດທະນາບັນດາໂຄງການໄຟຟ້າແສງຕາເວັນຢູ່ແຂວງຈໍາປາສັກ ແລະແຂວງເຊກອງ ຂອງລາວ.
    |
 |
|
ພາບປະກອບຄັດຈາກສໍານັກຂ່າວສານຫວຽດນາມ. |
ຕາມຂໍ້ຕົກລົງແລ້ວ, ໂຄງການໄຟຟ້າແສງຕາເວັນຢູ່ເມືອງລະມາມ, ແຂວງເຊກອງ ຈະໄດ້ຜັນຂະຫຍາຍໃນເນື້ອທີ່ກວ່າ 720 ເຮັກຕາ, ເຊິ່ງມີກໍາລັງຕິດຕັ້ງ 500MW ແລະປະລິມານການຜະລິດໄຟຟ້າແມ່ນ 739 GWh/ປີ. ຍອດມູນຄ່າລົງທຶນຂອງໂຄງການແມ່ນ 332,3 ລ້ານໂດລາສະຫະລັດ.
ສ່ວນໂຄງການທີ່ເມືອງໂຂງ ແລະເມືອງປະທຸມພອນ ຢູ່ແຂວງຈໍາປາສັກ ມີເນື້ອທີ່ 93,1 ເຮັກຕາ, ມີກໍາລັງຕິດຕັ້ງ 80MW ແລະປະລິມານການຜະລິດໄຟຟ້າຄາດຄະເນວ່າຈະບັນລຸ 123 GWh/ປີ. ຍອດມູນຄ່າລົງທຶນຂອງໂຄງການແມ່ນປະມານ 57,3 ລ້ານໂດລາສະຫະລັດ.
ຕາມການຄາດຄະເນ, ສອງໂຄງການດັ່ງກ່າວຈະສະໜອງປະລິມານການຜະລິດໄຟຟ້າໃຫ້ແກ່ຄວາມຕ້ອງການພາຍໃນປະເທດ 10% ແລະສ່ວນທີ່ຍັງເຫຼືອ 90% ຈະໄດ້ສົ່ງອອກໄປຍັງປະເທດຕ່າງໆຄື ຫວຽດນາມ, ມຽນມາ.
ໂດຍ: ທູຈາງ