ຊາວຫວຽດນາມ ອາໄສຢູ່ລາວ ຜູ້ທໍາອິດໄດ້ຮັບຫຼຽນກາອາຍຸພັກ 70 ປີ
ກປ.ອອນໄລ - ຕອນບ່າຍວັນທີ 21 ສິງຫາ, ຢູ່ນະຄອນຫຼວງວຽງຈັນ, ຄະນະພັກຢູ່ລາວ ໄດ້ຈັດຕັ້ງພິທີປະດັບຫຼຽນກາອາຍຸພັກ 70 ປີ ໃຫ້ແກ່ພໍ່ເຖົ້າ ເຈິ່ນວັນມີ່ ຊາວຫວຽດນາມ ອາໄສຢູ່ລາວ. ນີ້ແມ່ນຊາວຫວຽດນາມ ອາໄສຢູ່ລາວ ຜູ້ທໍາອິດໄດ້ຮັບຄວາມເປັນກຽດນີ້.
|
|
ຍ້ອນອາຍຸສູງສຸຂະພາບອ່ອນເພຍ, ຄອບຄົວໄດ້ຕາງໜ້າພໍ່ເຖົ້າ ເຈິ່ນວັນມີ່ ຮັບຂໍ້ຕົກລົງ ແລະຫຼຽນກາອາຍຸພັກ 70 ປີ. ພາບ: vov.vn. |
ໂດຍໄດ້ຮັບການມອບສິດຈາກຄະນະພັກກຸ່ມບັນດາອົງການສູນກາງ, ທ່ານ ເລຍໍແທ້ງ ຮອງເລຂາຄະນະພັກຢູ່ລາວ ໄດ້ໄປຍັງເຮືອນສ່ວນຕົວ ແລະມອບຂໍ້ຕົກລົງ ແລະປະດັບຫຼຽນກາອາຍຸພັກ 70 ປີໃຫ້ແກ່ພໍ່ເຖົ້າ ເຈິ່ນວັນມີ່ ຊາວຫວຽດນາມ ອາໄສຢູ່ເມືອງຈັນທະບູລີ, ນະຄອນຫຼວງວຽງຈັນ.
ພໍ່ເຖົ້າ ເຈິ່ນວັນມີ່ ເກີດວັນທີ 7 ກໍລະກົດ 1930 ຢູ່ຕາແສງກວາງລຽນ, ເມືອງກວາງແຈກ, ແຂວງກວາງບິ່ງ, ຫວຽດນາມ, ເຂົ້າເປັນສະມາຊິກພັກກອມມູນິດຫວຽດນາມ ໃນວັນທີ 6 ມັງກອນ 1950 ໃນໄລຍະປະຕິບັດໜ້າທີ່ສາກົນຕໍ່ສູ້ຢູ່ສະໜາມຮົບລາວ. 70 ປີແຫ່ງເປັນສະມາຊິກພັກ, ເຖິງວ່າອາໄສຢູ່ໄກປະເທດ ແຕ່ພໍ່ເຖົ້າ ຍາມໃດກໍ່ຮັກສາຄຸນສົມບັດປະຕິວັດ, ຢຶດໝັ້ນເປົ້າໝາຍອຸດົມຄະຕິ, ອຸທິດຕະຫຼອດຊີວິດໃຫ້ແກ່ພັກ, ພາລະກິດປະຕິວັດອັນສະຫງ່າລາສີຂອງສອງປະເທດ, ປະຕິບັດນະໂຍບາຍກົດໝາຍຂອງລັດປະຈຳຖິ່ນເປັນຢ່າງດີ, ປະກອບສ່ວນຮັກສາ, ເພີ່ມພູມຄູນສ້າງສາຍພົວພັນມິດຕະພາບແບບພິເສດ ຫວຽດນາມ-ລາວ.
ນີ້ກໍ່ແມ່ນກໍລະນີທໍາອິດທີ່ຊາວຫວຽດນາມ ອາໄສຢູ່ລາວ ເປັນກຽດໄດ້ຮັບຫຼຽນກາອາຍຸພັກ 70 ປີ ຢູ່ລາວ .
ໂດຍ: ຈາງຫງວຽນ