ການນໍາພັກ, ລັດຫວຽດນາມ ໄຫວ້ອາໄລດວງວິນຍານ ສະຫາຍພົນເອກ ສີສະຫວາດແກ້ວບຸນພັນ, ອະດີດນາຍົກລັດຖະມົນຕີລາວ
ກປ.ອອນໄລ - ຕອນເຊົ້າວັນທີ 15 ພຶດສະພາ, ຄະນະຜູ້ແທນຂັ້ນສູງພັກ, ລັດ, ແນວໂຮມປະເທດຊາດຫວຽດນາມ ນໍາໂດຍທ່ານ ເຈືອງຮວ່າບິ່ງ, ກໍາມະການກົມການເມືອງ, ຮອງນາຍົກລັດຖະມົນຕີຜູ້ປະຈຳການລັດຖະບານ ໄດ້ໄປໄຫວ້ອາໄລດວງວິນຍານ ແລະຂຽນປຶ້ມໄຫວ້ອາໄລສະຫາຍພົນເອກ ສີສະຫວາດ ແກ້ວບຸນພັນ, ອະດີດກໍາມະການກົມການເມືອງສູນກາງພັກ, ອະດີດນາຍົກລັດຖະມົນຕີລາວ, ອະດີດປະທານສູນກາງແນວລາວສ້າງຊາດ ຢູ່ສະຖານທູດລາວ ປະຈໍາຫວຽດນາມ.
ໃນບັນຍາກາດທີ່ເຄັ່ງຂຶມ ແລະເຕັມໄປດ້ວຍຄວາມສະເທືອນໃຈ, ບັນດາຜູ້ແທນໄດ້ກົ້ມຫົວໄຫວ້ອາໄລຕໍ່ດວງວິນຍານຂອງ ສະຫາຍພົນເອກ ສີສະຫວາດ ແກ້ວບຸນພັນ ເປັນເວລາ 1 ນາທີ.
    |
 |
|
ທ່ານ ເຈືອງຮວ່າບີ່ງ ຕາງໜ້າຄະນະຜູ້ແທນ ສົ່ງຄຳແບ່ງເບົາຄວາມເສົ້າສະຫຼົດໃຈຢ່າງສຸດຊຶ້ງມາຍັງພະນັກງານ, ພາລະກອນສະຖານທູດລາວ ປະຈໍາຫວຽດນາມ. ພາບ: ຈ້ອງຫາຍ. |
ເມື່ອຂຽນປຶ້ມໄຫວ້ອາໄລ, ທ່ານ ເຈືອງຮວ່າບິ່ງ ໄດ້ຂຽນວ່າ: “ສຸດແສນອາໄລອາວອນຫາສະຫາຍພົນເອກ ສີສະຫວາດ ແກ້ວບຸນພັນ, ຜູ້ນໍາທີ່ດີເດັ່ນ, ລູກຜູ້ປະເສີດຂອງປະຊາຊົນລາວບັນດາເຜົ່າ, ນັກຮົບປະຕິວັດທີ່ອົງອາດກ້າແກ່ນ, ໄດ້ອຸທິດຊີວິດຂອງຕົນສູ້ຊົນເພື່ອເອກະລາດແຫ່ງຊາດ, ອິດສະຫຼະພາບ, ຄວາມຜາສຸກຂອງປະຊາຊົນ ແລະການພັດທະນາ, ຄວາມຈະເລີນຮຸ່ງເຮືອງຂອງປະເທດລາວ.
|
|
 |
|
ຄະນະຜູ້ແທນຂັ້ນສູງພັກ, ລັດ ແລະແນວໂຮມປະເທດຊາດຫວຽດນາມ ກົ້ມຫົວໄຫວ້ອາໄລຕໍ່ດວງວິນຍານຂອງສະຫາຍພົນເອກ ສີສະຫວາດ ແກ້ວບຸນພັນ ເປັນເວລາ 1 ນາທີ. ພາບ: ຈ້ອງຫາຍ. |
|
|
 |
|
ທ່ານ ເຈືອງຮວ່າບີ່ງ ຂຽນປຶ້ມໄຫວ້ອາໄລ. ພາບ: ຈ້ອງຫາຍ. |
ການຈາກໄປຂອງສະຫາຍພົນເອກ ສີສະຫວາດ ແກ້ວບຸນພັນ ແມ່ນການສູນເສຍອັນໃຫຍ່ຫຼວງຕໍ່ພັກ, ລັດ, ແນວລາວສ້າງຊາດ, ປະຊາຊົນລາວ ແລະຄອບຄົວ. ຫວຽດນາມ ສູນເສຍເພື່ອນຜູ້ຍິ່ງໃຫຍ່, ສູນເສຍສະຫາຍອ້າຍນ້ອງທີ່ມີຄວາມສະໜິດສະໜົມທີ່ໄດ້ມີການປະກອບສ່ວນສໍາຄັນເຂົ້າໃນການກໍ່ສ້າງ, ປັບປຸງ ແລະພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ-ລາວ.
ຕາງໜ້າພັກ, ລັດ, ຄະນະກໍາມະການສູນກາງແນວໂຮມປະເທດຊາດຫວຽດນາມ ແລະປະຊາຊົນຫວຽດນາມ, ພວກຂ້າພະເຈົ້າຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ແລະ ຂໍແບ່ງເບົາຄວາມໂສກເສົ້າມາຍັງ ພັກ, ລັດ, ສູນກາງແນວລາວສ້າງຊາດ, ປະຊາຊົນລາວບັນດາເຜົ່າ ແລະຄອບຄົວຂອງສະຫາຍ ສີສະຫວາດ ແກ້ວບຸນພັນ".
ໂດຍ: ທູຈາງ